ކޮވިޑްގައި ރާއްޖެއިން އިތުރު މީހަކު ނިޔާވެއްޖެ
2 ޖޫން 2021 | ބުދަ 14:26އޭނާ ނިޔާވެފައިވަނީ ހުޅުމާލޭ މެޑިކަލް ފެސިލިޓީގައި ފަރުވާ ހޯދަމުން ގެންދަނިކޮށް
ހުޅުމާލޭ މެޑިކަލް ފެސިލިޓީ
ރާއްޖެއިން ކޮވިޑު ބަލީގައި އިތުރު މީހަކު ނިޔާވެއްޖެއެވެ. މިއީ މި ބަލީގައި ރާއްޖެއިން ނިޔާވި 171ވަނަ މީހާއެވެ.
ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ބުނީ، ނިޔާވެފައިވަނީ އުމުރުން 84 އަހަރުގެ ދިވެހި އަންހެނެއް ކަމަށެވެ. އޭނާ ނިޔާވެފައިވަނީ ހުޅުމާލޭ މެޑިކަލް ފެސިލިޓީގައި ފަރުވާ ހޯދަމުން ގެންދަނިކޮށެވެ.
ފާއިތުވެދިޔަ މެއި މަހަކީ، ރާއްޖޭގައި ކޮވިޑް-19 ފެތުރެންފެށި ފަހުން އެންމެ ގިނަ މީހުން ނިޔާވި މަހެވެ. އަދި އެންމެ ގިނަ ކޮވިޑް-19 ކޭސްތައް ވެސް ރިޕޯޓުކުރި މަސްވެސް މެއެވެ. އެގޮތުން މެއި މަހުގެ ތަފާސް ހިސާބަށް ބަލާއިރު އެމަހުގެ ތެރޭގައި 34،159 މީހަކު ވަނީ މިބައްއަށް ޕޮޒިޓިވްވެފައެވެ.
މެއި މަސް ނިމުނުއިރު ރާއްޖޭގައި މުޅި ޖުމްލަ ކޮވިޑަށް ޕޮޒިޓިވްވެފައިވަނީ 64،396 މީހުންނެވެ. މެއި މަސް ފެށުނުއިރު އެ އަދަދު ހުރީ 30،237 ގައެވެ.
