ޖަމާލުއްދީން ސުކޫލުގެ ކޯދު ޕްރޮޖެކްޓް އިފްތިތާހުކޮށްފި
ސްޓޫޑެންޓްސް ނޭޝަނަލް އެންވަޔަރްމެންޓް ސިމްޕޮޒިއަމް 2 އަށް ޖަމާލުއްދީނުން ހުށަހެޅި ޕްރޮޕޯސަލް، ގަދަ 10 ގައި ހިމެނުން
ކޯދު ޕްރޮޖެކްޓް އިފްތިތާހު ކުރުމުގެ ރަސްމިއްޔާތު
ޖަމާލުއްދީން ސުކޫލް ދަރިވަރުންގެ ކޯދު ޕްރޮޖެކްޓް އިފްތިތާހު ކޮށްފިއެވެ.
އެކަމަށްޓަކައި ޖަމާލުއްދީން ސްކޫލުގައި ބޭއްވި ރަސްމިއްޔާތެއްގައި މި ޕްރޮޖެކްޓް އިފްތިތާހު ކޮށްދެއްވީ، އެޑިއުކޭޝަން މިނިސްޓަރު ޑރ. އައިޝަތު އަލީއެވެ.
ކޯދު ޕްރޮޖެކްޓުގެ މަގުސަދަކީ، ތިމާވެއްޓާ ރައްޓެހި ދަނޑުވެރިކަމުގެ އުކުޅުތަކެއް ބޭނުންކޮށްގެން، ދަނޑެއް ހެއްދޭނޭ ގޮތްތަކެއް ހޯދުން ކަމަށާއި، އަތްފޯރާ ފަށުން ކާބޯތަކެތި ލިބޭނެ ބަގީޗާއެއް އުފެއްދުން ކަމަށް ވެސް އެޑިއުކޭޝަން މިނިސްޓްރީން ބުނެއެވެ.
މި ޕްރޮޖެކްޓާ ގުޅޭ ގޮތުން، ޑރ. އައިޝަތު އަލީ، ވިދާޅުވެފައިވަނީ، ބަހުންނާއި އަމަލުން ދަނޑުވެރިކަމަށް ލޯބިކުރާ ކުއްޖަކަށް ކޮންމެކުއްޖަކުވެސް ވާންޖެހޭނެ ކަމަށެވެ. އަދި ގަސް ހައްދައި، އެ ބަލަހައްޓައި އެއިން ލިބޭ ކާނާއިން ކާތަކެތި ތައްޔާރު ކުރުމުގައި އެތައް ހާސް ދުނިޔެވީ ފިލާވަޅެއް ވާ ކަމަށް ވެސް މިނިސްޓަރ ވިދާޅުވިއެވެ.
ކޯދު ޕްރޮޖެކްޓަކީ އެންވަޔަރްމެންޓް މިނިސްޓްރީން ބޭއްވި، ސްޓޫޑެންޓްސް ނޭޝަނަލް އެންވަޔަރްމެންޓް ސިމްޕޮޒިއަމް 2 ގައި، ޖަމާލުއްދީން ސުކޫލުން ބައިވެރިވި ދަރިވަރުން ކުރިއަށްގެންދާ ޕްރޮޖެކްޓެކެވެ. ސްޓޫޑެންޓްސް ނޭޝަނަލް އެންވަޔަރްމެންޓް ސިމްޕޮޒިއަމް 2 އަށް ޖަމާލުއްދީން ސުކޫލުން ހުށަހެޅި ޕްރޮޕޯސަލް، ގަދަ 10 ވަނައިގައި ހިމެނިފައިވާތީ، މި ޕްރޮޖެކްޓް ހިންގުމަށް އެންވަޔަރަމަންޓް މިނިސްޓްރީން ވަނީ ފަންޑު ކޮށްދީފައެވެ.
