ސަރުކާރުން ވަރަށްބޮޑު ހޭދައެއް ކޮށްގެން މިިފްކޯގެ ވަރަށް ގިނަ ވަސީލަތްތަކެއް ތަރައްގީކުރުމަށް މަސައްކަތް ކުރަމުން ދާއިރު ވަރަށް ގިނަ ކަންކަން މިހާރުވެސް ރަނގަޅު ކުރެވިފައިވާ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) ގެ މެނޭޖިންގ ޑިރެކްޓަރު އިސްމާޢީލް ފައުޒީ ވިދާޅުވެއްޖެއެވެ.
ރާއްޖެޓީވީގެ 'ފަަލަސުރުޚީ' ޕްރޮގްރާމްގައި ވާހަކަ ދައްކަވަމުން ފައުޒީ ވިދާޅުވީ އެންމެ ކުރިން ފެށިގެންވެސް މަސްވެރިކަމުގެ ސިނާޢަތުގެ އެންމެ އިސް ސަފުގައި މިފްކޯ ހަރަކާތްތެރި ވަމުން އަންނަ ކަމަށެވެ. އަދި މިފްކޯގެ މާލީ ހާލަތު ކިޔައި ދެއްވަމުން ފައުޒީ ވިދާޅުވީ މިފްކޯގެ ބޯޓުުފަހަރު ޑޮކް ކުރުންފަދަ މަސައްކަތް ކުރެވެމުންދާކަމަށް ފައުޒީ ވަނީ ފާހަގަ ކުރައްވާފައެވެ.
މީގެ އިތުރުން ފައުޒީ ވިދާޅުވީ ފާއިތުވި އަހަރުތަކުގެ ތެރޭގައި ޚާއްސަކޮށް 2014 ވަނަ އަހަރު ޔޫރަޕްގައި މަހުން ޑިއުޓީ ނަގަން ފެށި ހިސާބުން ރާއްޖޭގެ މަހަށް ލިބެންވާ ޕްރިމިއަމް ވަރަށް ބޮޑު ތަނުން ދަށް ވެގެން ދިޔަ ކަމަށެވެ. އަދި އެކަމާ ގުޅިގެން މިފްކޯގައި ޕްރޮސެސިންގ ކެޕޭސިޓީ ވަރަށް ލިމިޓްކޮށް ދިޔަކަމަށް ފައުޒީ ވިދާޅުވިއެވެ.
އިތުރަށް ވާހަކަ ދައްކަވަމުން ފައުޒީ ވިދާޅުވީ މިހާރުވެސް މަހުގެ އަގު ބެންކޮކްގައި ހުރީ 1200 ޑޮލަރާ ހަމައަށް ކަމަށެވެ. އެހެން ކަމުން ރާއްޖޭގައި ރޯ މެޓީރިއަލް ގޮތުގައި ނޫން ގޮތަކަށް މަސް ޕްރޮސެސް ކުރުމަށްފަހު އެކްސްޕޯޓު ކުރެވޭނެ ނިޒާމަކަށް ތައްޔާރު ވަމުން ދާކަމަށްފައުޒީ ވިދާޅުވިއެވެ.
އޭގެ ތެރޭގައި ފެސިލިޓީތައް އެކްސްޓެންޑް ކުރުމާއި، ޕްރޮސެސްކުރާ ކެޕޭސިޓީ އިތުރުކުރުން ފަދަ ކަންކަން ސައުދީ ފަންޑާއި އިންޑިއާގެ އެގްޒިމް ބޭންކްގެ ތެރެއިން ފަށަން ނިންމާފައިވާ ކަމަށް ފައުޒީ ފާހަގަ ކުރެއްވިއެވެ.
