ކޭސްތައް އިތުރުވުމާއިއެކު ވޮލަންޓްރީ ސާމްޕަލް ނެގުމުގެ ފުރުސަތު ހުޅުވާލައިފި
ރާއްޖެއިން ބޭރަށް ފުރަން ޓެސްޓް ހަދާ ފަރާތްތަކުން އިސްތިސްނާވާނެ
ރޭންޑަމް ސާމްޕަލް ނެގުމުގެ މަސައްކަތް ކުރަމުން ދަނީ
ކޭސްތައް އިތުރުވުމާއިއެކު ވޮލަންޓްރީ ސާމްޕަލް ނެގުމުގެ ފުރުސަތު ހުޅުވާލާފައިވަކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނެފިއެވެ.
އެޗްޕީއޭއިން ބުނީ މާލެ ސަރަހައްދުގައި ކަރަންޓީން ރިލީޒް ސާމްޕަލް ނަގާ ތަންތަނުން ވޮލަންޓަރީ ސާމްޕަލް މިހާރު ނެގޭނެކަމަށެވެ. ނަމަވެސް ކޮވިޑް-19 ގެ އަލާމާތްތައް ހުންނަ މީހުންނާއި، ޕޮޒިޓިވް މީހުންގެ ކޮންޓެކްޓުން އަދި ރާއްޖެއިން ބޭރަށް ފުރަން ޓެސްޓް ހަދާ ފަރާތްތަކުން އިސްތިސްނާ ވާނެކަމަށް އެޗްޕީއޭއިން ބުނެއެވެ.
ހުޅުމާލޭގައި ހުންނަ ފްލޫ ކްލިނިކުން ކޮންމެ ދުވަހެއްގެ ވެސް ހަވީރު 05:00ން ރޭގަނޑު 09:00ށް ޓެސްޓު ކުރެވޭއިރު ބުރާސްފަތި ދުވަހުން ފެށިގެން ގަޑިތަކަށް ބަދަލު ގެނައުމަށް ވަނީ ނިންމާފައެވެ.
އެގޮތުން ބުރާސްފަތި ދުވަހުން ފެށިގެން ހުކުރު ދުވަސް ފިޔަވާ ކޮންމެ ދުވަހަކު މެންދުރު 02:00ން ހަވީރު 05:00ށް ޓެސްޓު ކުރެވޭނެއެވެ. އަދި ހުކުރު ދުވަހުގެ ހަވީރު 05:00ން ރޭގަނޑު 08:00ށް ކަރަންޓީން ރިލީޒް ސާމްޕަލް ނެގުމާއިއެކު ވޮލަންޓަރީ ސާމްޕަލް ނެގޭނެއެވެ.
މީގެ އިތުރުން މާލޭ ހިޔާ 2 ފުރަގަހުގައި ހުންނަ އިމާރާތުން ހުކުރު ދުވަހު ސާމްޕަލް ނެގޭނީ ހަވީރު 05:00 ރޭގަނޑު 09:00ށެވެ. އަދި ހުކުރު ދުވަސް ފިޔަވާ އެހެން ދުވަސްތަކުގެ ހެނދުނު 09:00ން މެންދުރު 01:00ށް އަދި ހަވީރު 05:00 ރޭގަނޑު 09:00ށް ކަރަންޓީން ރިލީޒް ސާމްޕަލް ނެގުމާއިއެކު ވޮލަންޓަރީ ސާމްޕަލް ނެގޭނެ ކަމަށް އެޗްޕީއޭއިން ބުނެއެވެ.
