ފުލުހުންގެ ހާއްސަ އޮޕަރޭޝަން ފަށާފައިވަނީ 24 އޭޕްރިލްގައި
ފުލުހުންގެ ހާއްސަ އޮޕަރޭޝަން ފަށާފައިވަނީ 24 އޭޕްރިލްގައި
އޭޕްރިލް 24ގައި, ފުލުހުން ފެށި ހާއްސަ އޮޕަރޭޝަން އަދިވެސް ކުރިއަށްދާކަމަށް ފުލުހުން ބުނެފިއެވެ.
ހޯމަ ދުވަހު މޯލްޑިވްސް ޕޮލިސް ސަރވިސްއިން ފެށި އޮޕަރޭޝަންގެ ދަށުން މަގުމަތީގައި ގިނަ ފުލުހުންތަކެއް ހަރަކާތްތެރި ވަމުންދިޔަ ތަން ފުރަތަމަ ތިން ދުވަހު ފެނިގެން ދިޔަ އެވެ. ނަމަވެސް ހޮނިހިރު ދުވަހު މަގުމަތީގައި ފުލުހުން ނެތްކަން ވަނީ ފާހަގަކުރެވިފައެވެ.
ހާއްސަ އޮޕަރޭޝަން ނިމުނީތޯ ރާއްޖެއެމްވީން ސުވާލުކުރުމުން ފުލުހުން ހޮނިހިރު ދުވަހު ވިދާޅުވީ، "އޮޕަރޭޝަން ދަނީ ކުރިއަށް"ކަމަށެވެ. އިތުރު ތަފްސީލެއް ހިއްސާއެއް ނުކުރައްވައެވެ.
މާލެ ބެލެހެއްޓުމުގައި އިތުރު ފުލުހުން ހަރަކާތްތެރި ވަމުން ދާނެކަން އިއުލާން ކުރަމުން ފުލުހުން ހޯމަ ދުވަހުގެ ރޭ ކުރި ޓްވީޓްގައިވަނީ އޮޕަރޭޝަންގައި "މީހުންނާއި ސުވާލު ކުރުމާއި، ބަލާފާސްކޮށް ސާމްޕަލް ކަލެކްޓް ކުރެވޭނެ"ކަމަށް ބުނެފައިވެ އެވެ.
މި އޮޕަރޭޝަން ފަށާފައިވަނީ ރަހުމު ކުޑަ ހަމަލާއެއްގައި ލިޔުންތެރިޔާ ޔާމީން ރަޝީދު މަރާލިތާ އެއް ދުވަސް ފަހުންނެވެ.
