މިނިސްޓަރ އޮފް ހެލްތުގެ ނައިބުގެ މަގާމަށް ރައީސުލްޖުމްހޫރިއްޔާ ބޭފުޅަކު އައްޔަންކުރައްވައިފި
14 ޖެނުއަރީ 2021 | ބުރާސްފަތި 10:54މިނިސްޓަރ އޮފް ހެލްތުގެ ނައިބުގެ މަގާމަށް އައްޔަންކުރެއްވީ ޞަފިއްޔާ މުހައްމަދު ސައީދު
ހެލްތު މިނިސްޓްރީ - މިނިސްޓަރ އޮފް ހެލްތުގެ ނައިބުގެ މަގާމަށް ބޭފުޅަކު ވަނީ އައްޔަންކޮށްފައި
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިނިސްޓަރ އޮފް ހެލްތުގެ ނައިބުގެ މަގާމަށް ބޭފުޅަކު އައްޔަންކުރައްވައިފިއެވެ.
ރައީސް އޮފީހުން ބުނީ ރައީސް ޞާލިޙް، މިނިސްޓަރ އޮފް ހެލްތުގެ ނައިބުގެ މަގާމަށް ހ. ފޭވަރ، ޞަފިއްޔާ މުޙައްމަދު ސައީދު ބުރާސްފަތި ދުވަހު އައްޔަންކުރައްވާފައިވާ ކަމަށެވެ.
ޞަފިއްޔާ މި މަގާމަށް އައްޔަންކުރެއްވުމުގެ ކުރިން ހުންނެވީ ރައީސް އޮފީހުގެ އެސިސްޓެންޓް ޑިރެކްޓަރުގެ މަގާމުގައި ކަމަށްވެސް ރައީސް އޮފީހުން މައުލޫމާތުދެއެވެ.
ޞަފިއްޔާ މުޙައްމަދަކީ އިނގިރޭސިވިލާތުގެ ޔުނިވަރސިޓީ އޮފް ބަރމިންގްހަމްއިން މާސްޓަރ އޮފް އާޓްސްއިން އިންޓަރނޭޝަނަލް ރިލޭޝަންސް (ޑިޕްލޮމަސީ) ފުރިހަމަ ކުރައްވާފައިވާ ބޭފުޅެކެވެ. އަދި ޞަފިއްޔާ ވަނީ އިނގިރޭސިވިލާތުގެ ކާޑިފް ޔުނިވަރސިޓީން ބެޗެލަރ އޮފް ސައިންސް އިން (ޖޮއިންޓް) ބިޒްނަސް ސްޓަޑީޒް އެންޑް ޖަޕަނީސް ސްޓަޑީޒް ހާސިލުކުރައްވާފައެވެ.
