މަސްވެރިކަންކުރާ އުޅަނދުފަހަރުގައި ބޭނުންކުރާ ލޮނުފެނުން މަސްފިނިކުރާ ނިޒާމު (އާރުއެސްޑަބްލިޔު) ސިސްޓަމްތަކުން ޑިއުޓީ މައާފް ކުރުމަށް ނިންމައިފިއެވެ.
މިކަން ހާމަކޮށް ފިޝަރީޒް މިނިސްޓްރީން ނެރުނު ބަޔާނެއްގައި ވަނީ އާރުއެސްޑަބްލިޔު ސިސްޓަމުގެ ޑިއުޓީ މާފުކުރުމަށް އެދޭ ފަރާތްތަކުން، މިނިސްޓްރީ އޮފް އެކޮނޮމިކް ޑިވެލޮޕްމަންޓަށް "ޑިއުޓީ މައާފު ކުރުމަށް އެދޭ ފޯމް" ފުރިހަމަ ކުރުމަށްފަހު އިންވޮއިސްގެ ކޮޕީއަކާއެކު ހުށަހެޅުމުން އާރުއެސްޑަބްލިޔު ސިސްޓަމުގެ ޑިއުޓީ މައާފް ކުރެވޭނެ ކަމަށެވެ.
އާރުއެސްޑަބްލިޔު ސިސްޓަމަކީ މިފަހަކަށް އައިސް ރާއްޖޭގެ މަސްވެރިން މަހަށް ނިކުންނަ ދަތުރުތަކުގައި، އައިސް ހޯދުމަށް ކުރާ ހޭދަ ކުޑަކުރުމުގެ ގޮތުން، މަސްވެރިކަންކުރާ އުޅަނދުފަހަރުގައި ގާއިމް ކުރަމުން އަންނަ ސިސްޓަމެކެވެ. އަދި މަސް ދޯނިފަހަރުން ބާނާ މަސް ކިރެންދެން ތާޒާކަންމަތީ ދޯނިފަހަރުގައި ބެހެއްޓޭނެ ގޮތަށް ފަރުމާކުރެވިފައިވާ ނިޒާމެކެވެ.
ފިޝަރީޒް މިނިސްޓްރީން އުއްމީދުކުރާ ގޮތުގައި، މި ބަދަލުގެ ސަބަބުން މި ސިނާއަތު ތަރައްގީ ކުރުމަށް ލިބިގެންދާނެ ލުުޔަކަށްވެގެން ދާނެއެވެ.
