ޕޯސްޓުން ގެނައި ދޮޅު މިލިއަނެއްހާ ރުފިޔާގެ ޑްރަގްސް އަތުލައިގެންފި
22 އޮކްޓޯބަރު 2020 | ބުރާސްފަތި 23:42މި މަސްތުވާތަކެތީގެ ބަރުދަނުގަ ޖުމްލަ 503 ގްރާމް ހުންނާނެ
އުމްނާ އިސްމާއިލް | 22 އޮކްޓޯބަރު 2020 | ބުރާސްފަތި 23:42
ކަސްޓަމްސް އިން އަތުލައިގަތް މަސްތުވާތަކެތި
ކަސްޓަމްސްއިން ބުނީ ޕޯސްޓުގެ ޒަރީއާއިން ތަފާތު ބާރަ ފަހަރެއްގެ މަތިން ރާއްޖެ އެތެރެ ކުރަން އުޅުނު މަސްތުވާތަކެތި އަތުލައިގެންފިއެވެ.
މި ތަކެތި އަތުލައިގަނެފައި ވަނީ 28 ޖޫން 2020 އިން 13 އޮކްޓޯބަރ 2020 ދުވަހުގެ ނިޔަލަށް ޕޯސްޓް މެދުވެރިކޮށް ރާއްޖެ ގެނެސްފައިވާ ޕާރުސަލްތައް ބަލައި ފާސްކުރުމުގެ ތެރޭގައެވެ.
ބަރުދަނުގައި ޖުމްލަ 503 ގްރާމް ހުރި މި މަސްތުވާތަކެތީގެ މަގުމަތީ އަގަކީ ގާތްގަނޑަކަށް 1،475،800 (އެއް މިލިއަން ހަތަރު ލައްކަ ހަތްދިހަ ފަސްހާސް އަށްސަތޭކަ) ރުފިޔާ ކަމަށް ކަސްޓަމްސްއިން ބުންޏެވެ.
ކަސްޓަމްސްއިން ބުނީ މި މައްސަލަތައް އިތުރަށް ތަހުގީގު ކުރުމަށްޓަކައި މޯލްޑިވްސް ޕޮލިސް ސަރވިސްއާ ހަވާލު ކުރެވިފައިވާ ކަމަށެވެ.
