ކައުންސިލް އިންތިހާބު ބާއްވާތާ އެއް މަސް ފަހުން އެމްޑީޕީގެ ދާއިރާތަކުގެ އިންތިހާބު ބޭއްވުމަށް ނިންމައިފި
19 އޮކްޓޯބަރު 2020 | ހޯމަ 20:50މިގޮތަށް ނިންމާފައިވަނީ 55 މެމްބަރުންގެ ވޯޓާއި އެކު
އެމްޑީޕީގެ ގައުމީ މަޖިލީހުގެ 171 ބައްދަލުވުން
ލޯކަލް ކައުންސިލް އިންތިހާބު ބާއްވާތާ އެއް މަސް ފަހުން އެމްޑީޕީގެ ދާއިރާތަކުގެ އިންތިހާބު ބޭއްވުމަށް އެ ޕާޓީން ނިންމައިފިއެވެ.
މިގޮތަށް ނިންމާފައިވަނީ އެމްޑީޕީގެ ގައުމީ މަޖިލީހުގެ 171 ބައްދަލުވުމުގައެވެ.
ކައުންސިލް އިންތިހާބު ބާއްވާތާ އެއް މަސް ފަހުން އެމްޑީޕީގެ ދާއިރާތަކުގެ އިންތިހާބު ބޭއްވުމަށް ނިންމާފައިވަނީ 55 މެމްބަރުންގެ ވޯޓާއި އެކުއެވެ.
މި އަަހަރުގެ އޭޕްރީލް މަހު ބާއްވަން ނިންމާފައި އޮތް ލޯކަލް ކައުންސިލްގެ އިންތިހާބާއި އަންހެނުންގެ ތަރައްގީ އަށް މަސައްކަތް ކުރާ ކޮމިޓީގެ އިންތިހާބު ފަސް ކޮށްފައިވަނީ ކޮވިޑް-19އާ ގުޅިގެންނެވެ.
އެއާއެކު ކައުންސިލްތަކުގެ އިންތިހާބެއް ބޭއްވެންދެން މިހާރު އޮތް ކައުންސިލްތަކުގެ ދައުރު ދެމިގެންދާ ގޮތަށް ގާނޫނު އަސާސީ އަށް އިސްލާހު ގެނެސް އެ އިސްލާހު ވަނީ ތަސްދީގު ކޮށްފައެވެ. މި އިސްލާހާއި އެކު މި އިންތިޚާބުތައް މި ޤާނޫނަށް ޢަމަލު ކުރަން ފަށާ ތާރީޚުން ފެށިގެން އެއް އަހަރު ދުވަހުގެ ތެރޭގައި ބާއްވާ ނިންމަން ޖެހެއެވެ.
