ބުދަ 30 ސެޕްޓެންބަރ 2020
10 އަތަ
1442 ސަފަރު 12
ފަތިސް 04:41
އިރުއަރާ 05:52
މެންދުރު 12:00
އަސްރު 15:08
އިރުއޮއްސޭ 18:01
އިޝާ 19:12
އެޗްއީއޯސީގެ ތަރުޖަމާނު ޑރ ނަޒްލާ

ޑރ ނަޒްލާ ހޯމް ކަރަންޓީނަށް، ޕްރެސްގައި ބައިވެރިވެލައްވާނީ ގޭގައި ހުންނަވައިގެން!

  • ޑރ ނަޒްލާއަކީ އޭނާގެ ކޮންޓެކްޓެއް
  • އާއިލާ މެމްބަރެއް ކޮވިޑް-19 އަށް ޕޮޒިޓިވްވެފައިވޭ
  • ތަރުޖަމާނަކަށް ހަމަޖައްސާފައިވާކަމަށް ހާމަކޮށްފައިވަނީ މިދިޔަ ޖުލައި މަހުގެ 5 ވަނަ ދުވަހު

ކ. މާލެ | 14 އޯގަސްޓް 2020 | ހުކުރު 21:40 | 10,518

އެޗްއީއޯސީގެ ތަރުޖަމާނު ޑޮކްޓަރ ނަޒްލާ ރަފީޤް- ޑރ ވިދާޅުވީ ޙާލު ރަނގަޅުކަމަށް - ހެލްތު ޕްރޮޓެކްޝަން އެޖެންސީ

އާއިލާ މެމްބަރެއް ކޮވިޑް-19 އަށް ޕޮޒިޓިވްވުމާ ގުޅިގެން ހެލްތް އިމަރޖެންސީ އޮޕަރޭޝަންސް ސެންޓަރ (އެޗްއީއޯސީ) ގެ ތަރުޖަމާނު ޑޮކްޓަރ ނަޒްލާ ރަފީޤް ހޯމް ކަރަންޓީން ކޮށްފިއެވެ.

ހުކުރު ދުވަހުގެރޭ ޑރ ނަޒްލާ ކުރެއްވި ޓްވީޓެއްގައި ވަނީ އެކަން ކަށަވަރު ކޮށްދެއްވާފައެވެ. އެގޮތުން ޑރ ނަޒްލާ ވިދާޅުވީ، އާއިލާ މެމްބަރެއް ކޮވިޑް-19 އަށް ޕޮޒިޓިވްވެފައިވާއިރު، ޑރ ނަޒްލާ އަކީ އޭނާގެ ކޮންޓެކްޓެއް ކަމަށެވެ.

އެއާއެކު، އުސޫލުތަކާ އެއްގޮތްވާ ގޮތުގެ މަތިން ހޯމް ކަރަންޓީންގައި ހުންނެވި ކަމަށް ޑރ ނަޒްލާ ވިދާޅުވިއެވެ. އަދި ޙާލު މިވަގުތު ރަނގަޅު ކަމަށާއި، އެޗްއީއޯސީގެ ނޫސްވެރިންގެ ބައްދަލުވުންތަކުގައި ގޭގައި ހުންނަވައިގެން ބައިވެރިވެލައްވާނެ ކަމަށް ޑރ ވިދާޅުވިއެވެ.

ޑރ. ނަޒްލާ އެޗްއީއޯސީގެ ތަރުޖަމާނަކަށް ހަމަޖައްސާފައިވާ ކަމަށް ހާމަކޮށްފައިވަނީ މިދިޔަ ޖުލައި މަހުގެ 5 ވަނަ ދުވަހުއެވެ. އެއަށްފަހު ކޮވިޑް-19 ގެ ފަހުގެ މައުލޫމާތުތައް ރައްޔިތުންނަށް ފޯރުކޮށްދެއްވުމުގައި އިސްކޮށް އުޅުއްވަނީ ޑރ ނަޒްލާއެވެ.

ޑރ. ނަޒްލާއަކީ ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ސީނިއަރ މެޑިކަލް އޮފިސަރުގެ މަގާމު ފުރުއްވަމުން ގެންދަވާ ބޭފުޅެކެވެ. އަދި ކޮވިޑް-19އާ ގުޅިގެން ރައްޔިތުން ހޭލުންތެރި ކުރުވާ ސަމާލުކަން ދޭންވީ ކަންތައްތަކާއި ގުޅޭގޮތުން ޑރ. ނަޒްލާ ވަނީ ނޫސްވެރިންގެ ބައްދަލުވުންތަކުގައި ރައްޔިތުންނަށް މައުލޫމާތު ދެއްވާފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.