އުމުރުން 17 އަހަރުގެ ކުއްޖަކު ރޭޕްކޮށް، ބަނޑުބޮޑުވި މައްސަލަ ފުލުހުން ބަލަނީ
މައްސަލަ ބަލަނީ ރޭޕްގެ މައްސަލައެއްގެ ގޮތުގައި
ހޯމަ ދުވަހު ރޭޕާއި ދެކޮޅަށް މާލޭގައި ކުރި މުޒާހަރާގެ ތެރެއިން
އުމުރުން 17 އަހަރުގެ އަންހެން ކުއްޖަކު ބަނޑުބޮޑުވި މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ، ސެންޓްރަލް ޕޮލިސް ޑިވިޝަން ގައި ހިމެނޭ ރަށެއްގައި ހުންނަ ސިއްހީ ފަރުވާދޭ މަރުކަަޒަކުން އަންގާރަ ދުވަހު ފުލުހުންނަށް ހުށައެޅިފައިވާ ކަމަށެވެ. ފުލުހުން އެ މައްސަލަ ބަލަނީ އެ ކުއްޖާ ރޭޕްކޮށްލި މައްސަލައެއްގެ ގޮތުގައެވެ.
ފުލުހުން ބުނީ، އެ އިދާރާގެ ކްރައިމް އެގެއިންސްޓް ޗިލްޑްރެން ޑިޕާޓްމެންޓްގެ ތަހުގީގު ޓީމަކުން ޖެންޑަރ މިނިސްޓްރީއާ ގުޅިގެން މައްސަލަ ބަލަމުންދާ ކަމަށެވެ. ނަމަވެސް މިކަމާއި ގުޅިގެން އެއްވެސް މީހަކު ހައްޔަރުކުރި ކަމެއް ފުލުހުން އަދި މިހާތަނަށް ހާމަކޮށްފައެއް ނުވެއެވެ.
މި މައްސަލަ ފުލުހުން ބަލަން ފަށާފައިމިވަނީ، ޖިންސީ ގޯނާގެ މައްސަލަތައް ގިނަވެގެން އުޅޭ ދަނޑިވަޅެއްގައެވެ.
