ކ. މާލެ
|
20 ޖޫން 2020 | ހޮނިހިރު 15:12
ޔުވެންޓަސްއިން ދާދި ފަހުން ކުރިއަށް ގެންދިޔަ ފަރިތަކުރުންތަކުގެ ތެރެއިން: ހޮނިހިރު ދުވަހުގެރޭ ލީގު އަލުން ފަށާނެ
ޔުވެންޓަސްއިން ދާދި ފަހުން ކުރިއަށް ގެންދިޔަ ފަރިތަކުރުންތަކުގެ ތެރެއިން: ހޮނިހިރު ދުވަހުގެރޭ ލީގު އަލުން ފަށާނެ
ގެޓީ އިމޭޖަސް
އިޓާލިއަން ލީގު އަލުން ފެށުން
އިޓާލިއަން ލީގު ފެށުމުގެ ކުރިން ކްލަބުތަކުގެ ކަރަންޓީނު އުސޫލަށް ލުއިތަކެއް
 
އޮގަސްޓް 20ގެ ކުރިން އިޓާލިއަން ލީގު ނިންމަން ވަނީ ކަނޑައަޅާފައި
 
ލީގު ފެށުމުގެ ކުރިން އިޓާލިއަން ކަޕްގެ ކުޅުން ވަނީ ނިންމާލާފައި
 
ހޮނިހިރު ދުވަހުގެރޭ އިޓާލިއަން ލީގު އަލުން ފަށާނެ

އިޓާލިއަން ލީގު ފެށުމުގެ ކުރިން ކްލަބުތަކުގެ ކަރަންޓީނު އުސޫލަށް ލުއިތަކެއް ދިނުމަށް އިޓަލީގެ ސަރުކާރުން ނިންމައިފިއެވެ.

އިޓާލިއަން ލީގު އަލުން ފެށުމަށް ނިންމާފައިވަނީ ހޮނިހިރު ދުވަހުގެރޭއެވެ. އިޓާލިއަން ލީގު ފެށުމުގެ ކުރިން އިޓާލިއަން ކަޕްގެ ކުޅުން ވަނީ ނިންމާލާފައެވެ.

މީގެ ކުރިން ކަނޑައަޅާފައިވާ އުސޫލުގެ ދަށުން ކްލަބެއްގެ ކުޅުންތެރިއަކު ނުވަތަ އޮފިޝަލަކު ކޮރޯނާވައިރަސް (ކޮވިޑް-19) އަށް ޕޮޒިޓިވް ވެއްޖެ ނަމަ، މުޅި ޓީމު އެއްކޮށް ދެ ހަފުތާއަށް ކަރަންޓީނު ކުރާނެއެވެ. އެކަމަކު ބުރާސްފަތި ދުވަހު އިޓަލީގެ ސަރުކާރުން ވަނީ ކްލަބުތަކުގެ ކަރަންޓީނު އުސޫލަށް ލުއިތަކެއް ދީފައެވެ.

އެގޮތުން ދެން ކްލަބެއްގެ ކުޅުންތެރިއަކު ނުވަތަ އޮފިޝަލަކު ކޮވިޑް-19އަށް ޕޮޒިޓިވް ވެއްޖެ ނަމަ، މުޅި ޓީމު އެއްކޮށް ކަރަންޓީނު ކުރުމުގެ ބަދަލުގައި، އެ ޕޮޒިޓިވްވާ ކުޅުންތެރިޔާ އައިސޮލޭޓް ކުރަން މިހާރު ވަނީ ނިންމާފައެވެ. ސަރުކާރުގެ މި ނިންމުމަށް އިޓާލިއަން ފުޓްބޯލް ފެޑެރޭޝަންގެ ރައީސް ގެބްރިއަލީ ގްރަވީނާ ވަނީ މަރުހަބާ ދަންނަވާފައެވެ.

ހޮނިހިރު ދުވަހުގެރޭ އިޓާލިއަން ލީގު އަލުން ފަށާއިރު، އޮގަސްޓް މަހުގެ 20 ވަނަ ދުވަހުގެ ކުރިން އިޓާލިއަން ލީގު ނިންމަން މީގެ ކުރިން ވަނީ ކަނޑައަޅާފައެވެ. އިޓާލިއަން ލީގު އަލުން ފެށުމުގެ ކުރިން ކްލަބުތަކުގެ ކުޅުންތެރިން ވަނީ ކޮވިޑް-19ށް ޓެސްޓު ކޮށްފައެވެ. އެގޮތުން މީގެ ކުރިން ޕާމާގެ ދެ ކުޅުންތެރިއަކާއި، ސަމްޕްޑޯރިއާގެ ހަތަރު ކުޅުންތެރިއަކާއި، ޓޮރީނޯގެ ކުޅުންތެރިއެއްގެ އިތުރުން ފިއޮރެންޓީނާގެ ތިން ކުޅުންތެރިއަކު ވަނީ ކޮވިޑް-19ށް ޕޮޒިޓިވް ވެފައެވެ.

އިޓާލިއަން ލީގުގައި ބާކީ އޮތް ބައިގައި، އަށް ޓީމަކުން 13 މެޗު ކުޅެން ޖެހޭއިރު، ބާކީ ޓީމުތަކަށް އޮތީ 12 މެޗެވެ. އިޓާލިއަން ލީގު މެދުކަނޑާލިއިރު، އެންމެ ފަހުގެ ޗެމްޕިއަން ޔުވެންޓަސް އޮތީ ތާވަލުގެ އެއްވަނައިގައި 26 މެޗުން 63 ޕޮއިންޓާއެކުގައެވެ. ދެވަނައިގައި އޮތް ލާޒިއޯ އަށް 26 މެޗުން ލިބިފައިވަނީ 62 ޕޮއިންޓެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
0%
ކޮމެންޓް