މިއަހަރު ބޭއްވުމަށް ހަމަޖެހިފައިވާ އޯ ލެވެލް އިމްތިހާނު އަންނަ އަހަރަށް ފަސްކޮށްފި އެވެ.
އެކަން ހާމަކުރެއްވި އެޑިއުކޭޝަން މިނިސްޓަރު ޑރ. އައިޝަތު އަލީ އެވެ. މިނިސްޓަރު އެހެން ވިދާޅުވީ، ހޮނިހިރު ދުވަހުގެރޭ ރާއްޖެ ޓީވީގެ ''ކޮވިޑް-19'' ކަވަރޭޖް އަށް ދެއްވި އިންޓަވިއުއެއްގައި އެވެ.
މިނިސްޓަރު ވިދާޅުވީ، މިނިސްޓްރީގެ ވިސްނުމަކީ މެދުނުކެނޑި ކިޔެވުން ކުރިޔަށް ގެންދިޔުން ކަމަށާއި، އީދަށް ފަހު އޮންލައިލްކޮށް ކިޔެވޭނެ އިންތިޒާމް ހަމަޖައްސާނެ ކަމަށެވެ. އަދި ހަތަރު ދަންފަޅިއަށް ކިޔެވުން ބަދަލުކުރެވުމާއިއެކު ސުކޫލުގައި ދަރިވަރު ހޭދަކުރާ ވަގުތު ވަރަށް ބޮޑުތަނުން ކުޑަވެ ދަރިވަރުންނާއި ޓީޗަރުންނާއި ބައްދަލުވާ ވަގުތުވެސް މަދުވާނެ ކަމަށް މިނިސްޓަރު ވަނީ ވިދާޅުވެފަ އެވެ.
