ބަލިން ރަނގަޅުވި މީހުންގެ އަދަދު 91 ށް އަރައިފި
19 މެއި 2020 | އަންގާރަ 23:0519 ވަނަ ދުވަހު 11 މީހަކު ވަނީ ރަނގަޅުވެފައި
މާލޭގައި ރޭންޑަމް ސާމްޕަލް ނެގުމުގެ ތެރެއިން އާރުއާރުޓީގެ މެންބަރުން ހަރަކާތްތެރިވަނީ
ރާއްޖެއިން ކޮވިޑް-19 ޖެހިގެން ރަނގަޅުވީ މީހުންގެ އަދަދު 91 ށް އަރައިފި އެވެ.
ހެލްތް މިނިސްޓްރީގެ ޑޭޝް ބޯޑުން ދައްކާ ގޮތުން 19 ވަނަ ދުވަހު 11 މީހަކު ވަނީ ރަނގަޅުވެފަ އެވެ. އަދި 18 ވަނަ ދުވަހު 2 މީހަކު ވަނީ ބަލިން ފަސޭހަވެފަ އެވެ. މީގެ އިތުރުން 17 ވަނަ ދުވަހު 16 މީހަކު ވަނީ ބަލިން ރަނގަޅުވެފަ އެވެ.
އަންގާރަ ދުވަހު ނެޝަނަލް އެމަރޖެންސީ އޮޕަރޭޝަން ސެންޓަރު (އެންއީއޯސީ) ގައި ބޭއްވި ނުސްވެރިންގެ ބައްދަލުވުމުގައި ވާހަކަ ދައްކަވަމުން އެ ސެންޓަރުގެ ތަރުޖަމާނު މަބްރޫކް އަޒީޒު ވިދާޅުވީ އަންގާރަ ދުވަހާ ހަމައަށް 86 މީހަކު ބަލިން ރަނގަޅުވެފައިވާ ކަމަށެވެ. އަދި ހޯމަ ދުވަހުގެ ރޭ ބޭއްވި ނޫސްވެރިންގެ ބައްދަލުވުމަށްފަހު އަންގާރަ ދުވަހުގެ ރޭގެ ނޫސްވެރިންގެ ބައްދަލުވުމާ ހަމައަށް 12 މީހަކު ރަނގަޅުވެފައިވާ ކަމަށާއި، އޭގެތެރޭގައި ހިމެނެނީ 10 ބިދޭސީންނާއި 2 ދިވެހިން ކަަމަށް މަބްރޫކް ވިދާޅުވި އެވެ.
މިހާތަނަށް ރާއްޖެއިން ކޮވިޑް-19, 1143 މީހުންނަށް ޖެހިފައިވާއިރު 4 މީހަކު ވަނީ ރާއްޖެއިން ނިޔާވެފަ އެވެ.
