މަބްރޫކްގެ ޓުވިޓަރ އެކައުންޓް ވެރިފައިކޮށްފި
13 މެއި 2020 | ބުދަ 16:23މަބްރޫކްގެ 21،400 ފޮލޯވަރުން ތިބޭ
މަބްރޫކް އަޒީޒު: މަސައްކަތްކުރައްވަނީ ކޮވިޑް ޓާސްކްފޯހުގެ ތަރުޖަމާނަކަށް
ކޮވިޑް-19 ގެ ޚާއްސަ ހާލަތާއި ގުޅިގން ސަރުކާރުން އުފައްދާފައިވާ ނެޝަނަލް އިމަރޖެންސީ އޮޕަރޭޝަން ސެންޓަރގެ ތަރުޖަމާނު މުހައްމަދު މަބްރޫކް އަޒީޒުގެ ޓުވިޓަރ އެކައުންޓް ވެރިފައި ކޮށްފި އެވެ.
ޓުވިޓަރ އިން މަބްރޫކްގެ އެކައުންޓް ވެރިފައި ކޮށްފައިވަނީ ބުދަ ދުވަހު އެވެ. މަބްރޫކް ޓުވިޓަރ އާ ގުޅިފައިވަނީ 2009 ވަނަ އަހަރުގެ ސެޕްޓެމްބަރުގަ އެވެ. މި އެކައުންޓް މިހާތަނަށް 21،400 މީހުން ފޮލޯ ކޮށްފައި ވެއެވެ. އަަދި އޭނާ ވަނީ މިހާތަނަށް 1662 ޓްވީޓް ކުރައްވާފަ އެވެ.
މަބްރޫކް ގެންދަވަނީ ރައީސް އޮފީހުގެ ކޮމިއުނިކޭޝަންސް އަންޑަ ސެކެރެޓަރީ މަޤާމުގައި ފުރުއްވަމުންނެވެ. މަބްރޫކް އަކީ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ އިސް ސަފުގައި ހަރަކާތްތެރިވަމުންގެންދެވި މީހުންނާއި ވަރަށް ގުޅޭ ބޭފުޅެކެވެ.
މީގެ އިތުރުން މަބްރޫކް ގެންދަވަނީ ވިޔަފާރި ކުރައްވަމުންނެވެ. ޒުވާނުންގެ މެދުގައި މަގުބޫލު މެރާކީ ކޮފީ ރޯސްޓާޒް ކެފޭ އަކީ މަބުރޫކްގެ އަމިއްލަ ވިޔަފާރިއެކެވެ.
