މަޝްހޫރު ސީރީޒް "ހެރީ ޕޮޓާ"ގެ އެކްޓަރު ރުޕާޓް ގްރިންޓް އަށް ދަރިއަކު ލިބިއްޖެއެވެ.

ރުޕާޓް އާއި އޭނާގެ ލޯބިވެރިޔާ ފިލްމީ ތަރި ޖޯޖިއާ ގްރޫމް އަށް އަންހެން ދަރިއަކު މެއި މަހުގެ 8 ވަނަ ދުވަހު ލިބުނުކަން ރުޕާޓް ވަނީ ބޭރުގެ މީޑިއާ ތަކަށް ކަށަވަރުކޮށް ދީފައެވެ. މިއީ އެ ދެމީހުންގެ އަލަތު ދަރިފުޅެވެ. ރުޕާޓް އާއި ޖޯޖިއާ ލޯބީގެ ގޮތުން ގުޅިފައިވަނީ 2011 ވަނަ އަހަރުގައެވެ.

ޖޯޖިއާ ދަރިއަކަށް ބަލިވެ އިންކަން އެމީހުން ހާމަ ކުރީ ވިހަން މަސްދުވަހާ ކައިރި ވެފައި ވަނިކޮށެވެ. ދަރިއަކު ލިބުމުން ދެމީހުންވެސް ވަރަށް އުފާކުރާ ކަމަށް ރުޕާޓް ބުންޏެވެ.

މިވަގުތު ދެ ތަރިންވެސް ބޭނުންވަނީ އާއިލާ އާއެކު އެ އުފާ ހިއްސާކުރުމަށް ކަމަށް ޚަބަރުތައް ބުނެއެވެ.

ހެރީ ޕޮޓާގެ އިތުރުން ތަންޑަރޕޭންޓްސް، ޗެރީ ބޮމްބް އަދި ވައިލްޑް ޓާގެޓުންވެސް ރުޕާޓް ފެނިގެން ގޮސްފައި ވެއެވެ.