ޑައިޓްގައި ހުރުމަކީ އޮޕްޝަނެއް ނޫން : ތާރާ ސުތާރިއާ

ބޮލީވުޑްގެ ތަރި ތާރާ ސުތާރިއާ ދަނީ ލޮކްޑައުންގައި ހުރެގެން އޭނާ އަށް އެންމެ ކަމުދާ ކާއެއްޗެހި ތައްޔާރުކުރަމުންނެވެ.

އަންގާރަ ދުވަހުގެ ވަގުތެއްގައި ތާރާގެ އިންސްޓަގްރާމް ގައި އޭނާ ތައްޔާރުކޮށްފައިވާ ތަފާތު ކާއެއްޗެހި ފެންނަ ފޮޓޯއެއް ޕޯސްޓްކޮށްފައިވެއެވެ. ފޮޓޯ ޕޯސްޓްކޮށް ކެޕްޝަންގައި ތާރާ ލިޔެފައިވަނީ މިއީ އޭނާ އޭނާ އެންމެ ކައްކާ ހިތްވާ ބައެއް އެއްޗެހި ކަމަށެވެ. އަދި ގޭގަ ހުންނަ އިރު ޑައިޓްގައި ހުރުމަކީ އެ ގޭގައި އޮންނަ އުސޫލެއް ނޫން ކަމަށެވެ.

އިންޑިއާ ލޮކްޑައުނަކަށް ގެނެސްފައިވާ މި ދުވަސްވަރު ބޮލީވުޑްގެ ތަރިންގެ ތެރެއިން ދިލްޖިތް ދޮސަންޖް، ކެޓްރީނާ ކައިފް، ކްރިތީ ސަނޯން އަދި ޕުލްކިޓް ސަމްރަތް ދަނީ ސޯޝަލް މީޑިއާގައި ކެއްކުމުގެ ހުނަރު ދައްކަމުންނެވެ.

ތާރާ ސުތާރިއާ ދެން ފެނިގެންދާނީ "ތަޑަޕް" އިން ސުނިލް ޝެޓީގެ ފިރިހެން ދަރިފުޅު އާހަން އާއި އެކު އެވެ. މިއީ އާހަން ޝެޓީގެ ފުރަތަމަ ބޮލީވުޑް ފިލްމެވެ.