ޓޮމް ކްރޫޒްގެ ފިލްމެއް ސްޕޭސްގައި ޝޫޓްކުރަނީތަ؟

ޓޮމް ކްރޫޒްގެ ކުރިއަށް އޮތް ފިލްމް ސްޕޭސްގައި ޝޫޓްކުރަން ނިންމާފައިވާކަމަށް މީޑިއާ ރިޕޯޓްތައް ބުނެފިއެވެ.

މި ފިލްމަކީ އެކްޝަން އެޑްވެންޗާ ފިލްމެކެވެ.

ކްރޫޒް މި ފިލްމް ސްޕޭސްގައި ޝޫޓްކުރަން ނިންމާފައިވަނީ އިލޯން މަސްކް އާއި ގުޅިގެންނެވެ. ރިޕޯޓުތައް ބުނާގޮތުން މި ފިލްމު ސްޕޭސްގައި ޝޫޓްކުރުމަށް ކްރޫޒް އާއި މަސްކުގެ އޭވިއޭޝަން ކޮންޕެނީ ސްޕޭސް އެކްސް އިން ދަނީ ނޭޝަނަލް އެއިރޯނޮޓިކްސް އަދި ސްޕޭސް އެޑްމިނިސްޓްރޭޝަން (ނާސާ) އާއި މަޝްވަރާތައް ކުރަމުންނެވެ.

ކްރޫޒް އަކީ އާންމުގެ މަގްބޫލް ކަން ހޯދާފައިވާ ތަރިކެވެ. ބޮޑެތި ރިސްކުތައް ނަގައިގެން އުސް އިމާރާތްތަކުގެ މަތިން ފުންމުމާއި މިފަދަ އެތައް ސްޓަންޓެއް އޭނާގެ ފިލްމުތަކުގައި ވަނީ ގެނެސްދިފައެވެ.

ޓޮމް ކްރޫޒް މިހާރު ދަނީ އޭނާގެ ފިލްމު "ޓޮޕް ގަން" ރިލީޒް ކުރެވޭނެ ދުވަހަކަށް އިންތިޒާރު ކުރަމުންނެވެ. މި ފިލްމު ކުރިން ޝެޑިއުލް ކޮށްފައިވަނީ 2020 ވަނަ އަހަރުގެ ޖޫން ގައި ރިލީޒް ކުރާ ގޮތަށެވެ. ނަމަވެސް ކޮވިޑް 19 ގެ ބަލިމަޑުކަމާއި ގުޅިގެން ފިލްމު ރިލީޒް ކުރުން ޑިސެމްބަރު މަހަށް ވަނީ ލަސްކުރެވިފައެވެ.