ދުނިޔޭގެ އެކި ކަންކޮޅުތަކުގައި ނޭޕާލްގެ 73 މީހުން ކޮވިޑް-19 ޖެހިގެން މަރުވެއްޖެ
ދުނިޔޭގެ 7 ޤައުމަކުން ނޭޕާލްގެ 47 މީހުން ވަނީ މަރުވެފަ
ނޭޕާލްގެ ޑޮކްޓަރީކަން ކިޔަވާ ކުދިން ކޮވިޑް-19 ރެސްޕޮންސް ޓީމުގައި ޙަރަކާތްތެރިވަނީ
ދުނިޔޭގެ އެކިކަންކޮޅުތަކުގައި ނޭޕާލްގެ 73 މީހުން ނޮވެލް ކޮރޯނާވައިރަސް(ކޮވިޑް-19) ޖެހިގެން މަރުވެފައިވާކަމަށް އެޤައުމުގެ ނޮން-ރެސިޑެންޓް ނޭޕާލީ އެސޯސިއޭޝަނުން ބުނެފިއެވެ.
އެ އެސިސިއޭޝަނުން ބުނީ ނޭޕާލުގައި މިހާތަނަށް ކޮވިޑް-19 ޖެހިގެން މީހަކު މަރުވެފައި ނުވިނަމަވެސް، ވައިރަސް ފެތުރެމުންދާ އެހެން ޤައުމުތަކުގައި ވަޒަންވެރިވެ އުޅޭ އަދި އެކި ބޭނުންތަކައް ދަތުރުކުރި ބައެއް މީހުން ވައިރަސްއަށް ޕޮޒިޓިވްވެ، ފަރުވާ ދިނުމުގެ އެކި މަރުޙަލާތަކުގައި ދުނިޔެއާއި ވަކިވެފައިވާކަމަށެވެ.
އެހެން ޤައުމުތަކުން ނޭޕާލް މީހުން މަރުވިގޮތުގެ ތަފުޞީލު:
ނޭޕާލްގެ ނޮން-ރެސިޑެންޓް ނޭޕާލީ އެސޯސިއޭޝަނުން ބުނީ ދުނިޔޭގެ އެކިކަންކޮޅުތަކުން ނޭޕާލް މީހުން މަރުވަމުންދާ ނިޞްބަތް އިތުރުވަމުން އަންނަ ކަމަށެވެ. އަދި އެ ޖަމްޢިއްޔާއަށް ލިބިފައިވާ މަަޢުލޫމާތުތަކަށް ބަލާއިރު މިހާތަނަށް 5،247 މީހުން ވައިރަސްއަށް ޕޮޒިޓިވްވެ، 1،570 މީހުން ފަރުވާއަށް ފަހު ރަނގަޅުވެފައިވާކަމަށެވެ. އަދި އެންމެ ގިނަ މީހުން ވައިރަސްއަށް ޕޮޒިޓިވްވެފައިވަނީ މެދުއިރުމަތީގެ ޤައުމުތަކުންކަމަށްވެސް އެޖަމްޢިއްޔާއިން ބުނެފައިވެއެވެ.
ނޭޕާލުގައި މިހާތަނަށް ވައިރަސްއަށް ޕޮޒިޓިވްވެފައިވަނީ 52 މީހުންނެވެ. މިހާރުވެސް 43 މީހަކަށް ފަރުވާދެމުން އެބަދެއެވެ. އަދި 16 މީހުން ރަނގަޅުވެފައިވެއެވެ. ނޭޕާލުގައި އަދި އެއްވެސް މީހަކު ކޮވިޑް-19 ޖެހިގެން މަރުވިކަމެއް ރިކޯޑުކުރެވިފައެއް ނުވެއެވެ.
