ކޮވިޑް-19: ރާއްޖެ އައުމުގެ ކުރިން ފޮރިން މިނިސްޓްރީއަށް މައުލޫމާތު ހިއްސާކުރަން އަންގައިފި
21 މާރިޗު 2020 | ހޮނިހިރު 14:29ދަތުރުކުރުމުގެ ކުރިން، ދަތުރުކުރާ ފަރާތްތަކުގެ ޕާސްޕޯޓް ނަމްބަރާއި ދަތުރު ކުރާ ފްލައިޓްގެ ތަފްސީލް ދުރާލާ މިމިނިސްޓްރީއަށް ނުވަތަ އެންމެ ކައިރީގައި ހުންނަ ރާއްޖޭގެ ޑިޕްލޮމެޓިކް މިޝަނަކަށް ހިއްސާ ކުރުމ
ވެލާނާ އިންޓަރނޭޝަނަލް އެއަރޕޯޓް
ބޭރު ޤައުމުތަކުން ދިވެހިރާއްޖެއަށް ދަތުރުކުރާ ދިވެހިން ދަތުރުކުރުމުގެ ކުރިން މިނިސްޓްރީ އޮފް ފޮރިން އެފެއާޒް އަށް މައުލޫމާތު ހިއްސާކުރުމަށް އެ މިނިސްޓްރީން އަންގައިފިއެވެ.
ފޮރިން މިނިސްޓްރީން ބުނީ ދުނިޔޭގައި ކޯވިޑް-19 ހަލުވިކަމާއެކު ފެތުރެމުން އަންނާތީ، ބޭރު ޤައުމުތަކުން ދިވެހިރާއްޖެއަށް އެނބުރި ދަތުރު ކުރާ ދިވެހިން، ދިވެހިންނާ ކައިވެނިކޮށްގެން އުޅޭ ބިދޭސީން އަދި އެކި ވިސާތަކުގައި ރާއްޖެ އެތެރެވާ ހުރިހާ ފަރާތްތައް ސަރުކާރުން ކަނޑައަޅާ ތަނެއްގައި 14 ދުވަހުގެ މުއްދަތަށް ކަރަންޓީން ކުރަން ނިންމާފައިވާ ކަމަށެވެ.
އެގޮތުން ރާއްޖެއަށް ދަތުރުކުރުމުގެ ކުރިން، ދަތުރުކުރާ ފަރާތްތަކުގެ ޕާސްޕޯޓް ނަމްބަރާއި ދަތުރު ކުރާ ފްލައިޓްގެ ތަފްސީލް ދުރާލާ މިމިނިސްޓްރީއަށް ނުވަތަ އެންމެ ކައިރީގައި ހުންނަ ރާއްޖޭގެ ޑިޕްލޮމެޓިކް މިޝަނަކަށް ހިއްސާ ކުރުމަށް އެދިފައިވެއެވެ.
އަދި މި ދަނޑިވަޅުގައި ދިވެހިންނަށް ދިމާވާ ބައެއް ކަހަލަ ދަތިތައް ހުރިކަން ފާހަގަކޮށް، ދިވެހިންނަށް ވީ ވަރަކުން ލުއި ގޮތްތައް ހޯދައިދެވޭތޯ މިނިސްޓްރީން ދަނީ މަސައްކަތްކުރަމުންނެވެ.
