ނިއުޔޯކް ދަތުރަށްފަހު އަނޫޕަމް ކޭރް ވެސް ސެލްފް އައިސޮލޭޝަނަށް!
21 މާރިޗު 2020 | ހޮނިހިރު 17:01ބޭރަށް ނުނިކުތުމަށް އިލްތިމާސްކުރި
މަޝްހޫރު ހިންދީ ފިލްމީތަރި އަނުޕަމް ކޭރް
މަޝްހޫރު ހިންދީ ފިލްމީތަރި އަނޫޕަމް ކޭރް ނިއުޔޯކްއަށް ދަތުރުކުރުމަށްފަހު ސެލްފް އައިސޮލޭޝަނަށް ގޮސްފިއެވެ.
އިންސްޓަގްރާމްގައި އަނޫޕަމް މިކަން ހާމަކޮށް އާންމުކޮށްފައިވާ ވީޑިއޯގައި ބުނީ ކޮވިޑް-19 ދުނިޔޭގައި ހަލުވިމިނެއްގައި ފެތުރެމުންދާއިރު، ރައްކާތެރިކަމުގެ ގޮތުން ގިނަގިނަ ކަންކަން އަމިއްލައަށް ކުރަންޖެހޭ ކަމަށެވެ. އެގޮތުން ކެއްސާ ކިނބިހި އަޅާނަމަ ސިއްހީ ފަރުވާ ހޯދުމަށާއި، މިދަނޑިވަޅުގައި ބޭރަށް ނުނިކުތުމަށް އިލްތިމާސްކުރިއެވެ.
އަނޫޕަމް ކޭރް ނިއުޔޯކްއަށް ކުރި ދަތުރު ނިންމާލުމަށްފަހު އިންޑިއާގެ މުމްބައީއަށް ދިޔައީ މިދިޔަ ހުކުރު ދުވަހެވެ.
65 އަހަރުގެ އަނޫޕަމް ކޭރް އަކީ ބައްޕަގެ ރޯލުންނާއި، ހެއްވާ މަޖާ ގިނަ ރޯލްތަކުން ފެނިގެންދާ ފަންނާނެކެވެ. އަދި އޭނާއަކީ ގިނަބައެއްގެ މެދުގައި މަގުބޫލް ފަންނާނެކެވެ.
