ކަބީރްހާން އާއިލާއާ އެކު ސޮނެވާފުށީ ގައި
18 ޑިސެމްބަރު 2019 | ބުދަ 17:41މީގެ ކުރިންވެސް ރާއްޖެއަށް ޒިޔާރަތްކޮށްފައިވޭ
ކަބީރްހާން އާއިލާއާ އެކު ނަގާފައިވާ ފޮޓޯއެއް
ހިންދީ މޮޅެތި ފިލްމުތަކެއް ޑައިރެކްޓް ކޮށްފައިވާ ކަބީރް ޚާން، އޭނާގެ އާއިލާއާއި އެކު ރާއްޖޭގައި ޗުއްޓީ ހޭދަކުރަމުން އެބަދެއެވެ.
ކަބީރް ޚާންގެ އަންހެނުން މިނީ މާތުރްގެ އިންސްޓަގްރާމް ފޮޓޯތަކުގައިވާ ގޮތުން ދެ ދަރިންނާއެކު ދެމަފިރިން ޗުއްޓީ ހޭދަކުރަމުންދަނީ، ބ. އަތޮޅު ސޮނެވާފުށި ރިސޯޓުގައެވެ.
މިނީ މާތުރްގެ އިންސްޓަގްރާމުގައި އަޕްލޯޑް ކޮށްފައިވާ ފޮޓޮއެއްގައި އޭނާ ބުނެފައިވަނީ، ސިޓީގެ ދިރިއުޅުމުން ބޭރުވެ އަރާމުކޮށްލަން ކޮންމެ އަހަރަކު އެއްފަހަރު ކަހަލަ ގޮތަކަށް ރާއްޖެއަށް ޒިޔާރަތްކުރާ ކަމަށާއި، މި ފަހަރުގެ ދަތުރުގައި ނިންމީ ސޮނެވާ ފުށި ކަމަށެވެ. އޭގެ އިތުރުންވެސް މިނީ ވަނީ އޭނާގެ ދެ ދަރިންނާއެކު އެ ރިސޯޓުގައި ނަގާފައިވާ ގިނަ ފޮޓޯތަކެއް އިންސްޓަގްރާމް ކޮށްފައެވެ.
ކަބީރް ޚާން ރާއްޖޭގައި ޗުއްޓީ ހޭދަކުރަމުންދާއިރު ދާދިފަހުން އޭނާ ވަނީ ''83'' ފިލްމުގެ ޝޫޓިން ނިންމާލާފައެވެ. އިންޑިއާގެ ކުރީގެ ކްރިކެޓް ކުޅުންތެރިޔާ ކަޕީލް ދޭވްގެ ހަޔާތުގެ މައްޗަށް ބިނާކޮށް އުފައްދާ ފިލްމުގައި ރަންބީރު ކަޕޫރާއި، ދިޕިކާ ޕަދުކޯން ފެނިގެންދާނެއެވެ. އެ ފިލްމު ރިލީޒްކުރަން ހަމަޖެހިފައިވަނީ އަންނަ އަހަރުގެ އޭޕްރީލް މަހުގެ 10 ވަނަ ދުވަހުއެވެ.
