އަންގާރަ 29 ސެޕްޓެންބަރ 2020
09 އަތަ
1442 ސަފަރު 11
ފަތިސް 04:41
އިރުއަރާ 05:52
މެންދުރު 12:01
އަސްރު 15:08
އިރުއޮއްސޭ 18:01
އިޝާ 19:12
އެމްޑަބްލިޔުއެސްސީ

މަސައްކަތްތެރިކަމުގެ ދާއިރާތަކަށް މީހުން ތަމްރީން ކުރުމަށް އެއްބަސްވުމެއްގައި ސޮއިކޮށްފި

  • މިހާތަނަށް 16 ރަށެއްގައި ފެނުގެ ނިޒާމް ގާއިމްކޮށްފައި
  • 26 ރަށެއްގައި ނަރުދަމާގެ ނިޒާމު ގާއިމްކޮށްދީފައިވޭ
  • ފަންނީ މަސައްކަތްތެރިން ތަމްރީނުކުރުމަކީ މުހިންމު ކަމެއް

ކ. މާލެ | 6 ޑިސެންބަރ 2019 | ހުކުރު 09:00 | 1,740

- އެމްޑަބްލިޔުއެސްސީ

މަސައްކަތްތެރިކަމުގެ ދާއިރާތަކަށް މީހުން ތަމްރީން ކުރުމަށް އެމްޑަބްލިޔުއެސްސީ އާއި މޯލްޑިވްސް ޕޮލިޓެކްނިކް އާ ދެމެދު އެއްބަސްވުމެއްގައި ސޮއިކޮށްފިއެވެ.

އެމްޑަބްލިޔުއެސްސީން ބުނީ ރާއްޖޭގައި ފެނާއި ނަރުދަމާ ނިޒާމު ގާއިމް ކުރަމުން އަންނަ އެންމެ ބޮޑު ދިވެހި އެއް ކުންފުންޏަކީ އެމްޑަބްލިޔުއެސްސީ ކަމަށްވާއިރު، މިހާތަނަށް 16 ރަށެއްގައި ފެނުގެ ނިޒާމް އަދި 26 ރަށެއްގައި ނަރުދަމާގެ ނިޒާމު ގާއިކޮށްދީފައިވާ ކަމަށެވެ. މިރަށްރަށުގައި ގާއިމްކޮށްފައިވާ ފެނާއި ނަރުދަމާގެ ނިޒާމުތަކަކީ މިމަޝްރޫއުތައް ކުރިއަށް ގެންދިއުމަށް ކަނޑައަޅާފައިވާ ދައުލަތުގެ ވުޒާރާތަކުން އެންމެ މަތީ މިންގަނޑަށް ނިންމާފައިވާ ކަމަށް ބަލައިގެނެފައިވާކަމުގެ ސެޓިފިކެޓް އެކުންފުންޏައް ހަވާލުކޮށްފައިވާ މަސައްކަތްތަކެއް ކަމަށެވެ.

އެމްޑަބްލިޔުއެސްސީން ބުނީ، އެކުންފުންޏަކީ އައިއެސްއޯ 9001:2015 ކޮލިޓީ މެނޭޖްމަންޓް ސިސްޓަމަށް ސިޓިފައިޑް ކުންފުންޏަކަށްވާތީ އެކުންފުނިން ނިންމާފައިވާ އަދި މިހާރު ކުރިއަށްދާ ފެނާ ނަރުދަމާގެ މަސައްކަތްތަކަކީ މިކުންފުނިން ޚާއްސަ އިސްކަމެއްދީގެން ވަރަށް ފުރިހަމައަށް ކޮށްފައިވާ އަދި ކުރަމުންދާ މަސައްކަތްތަކެއް ކަމަށެވެ. އަދި މިފަދަ ނިޒާމުތައް ބެލެހެއްޓޭނީ މިދާއިރާއިން ފަންނީ މީހުން ތަމްރީނުކޮށްގެން ކަމަށް އެމްޑަބްލިޔުއެސްސީން ބުންޏެވެ.

އެހެންކަމުން މިފަދަ ދާއިރާތަކުން ފަންނީ މަސައްކަތްތެރިން ތަމްރީނުކުރުމަކީ މުހިންމު ކަމެއް ކަމަށާއި، މިމަސައްކަތްތައް ކުރިއަށް ގެންދިއުމަށް ޕޮލިޓެކްނިކްއާއެކު އެއްބަސްވުމެއްގައި ސޮއިކޮށްފައިވާ ކަމަށެވެ.

އެންމެ ފަހުން އަޕްޑޭޓް ކުރީ: 7 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.