ބުދަ 20 ނޮވެންބަރު 2019
07 ނޮރަ
1441 ރަބީއުލް އައްވަލް 23
ފަތިސް 04:37
އިރުއަރާ 05:52
މެންދުރު 11:56
އަސްރު 15:15
މަޣްރިބް 17:51
އިޝާ 19:06
ކުޅިވަރު - މާރިއޯ މަންޒުކިޗް

މަންޒުކިޗް ޔުނައިޓެޑަށް ބަދަލުވުމާ ގާތަށް!

  • ޔުވެންޓަސްއާއެކު މަންޒުކިޗް ހަދާފައިވާ އެއްބަސްވުން ހަމަވާނީ 2021 ވަނަ އަހަރު

ލީވާން އަލީ
MrLeevaan

ކ. މާލެ 14 އޮކްޓޯބަރ 2019 | ހޯމަ 18:46 5,838

މާރިއޯ މަންޒުކިޗް - ގެޓީ އިމޭޖާސް

ޔުވެންޓަސްއަށް ކުޅެމުން އަންނަ ކްރޮއޭޝިއާގެ ފޯވާޑް މާރިއޯ މަންޒުކިޗް މެންޗެސްޓަރ ޔުނައިޓެޑަށް ބަދަލުވުމާ ގާތަށް ގޮސްފައިވާ ކަމަށް ރިޕޯޓްތައް ބުނެފިއެވެ.

އެކްސްޕްރެސް އިން ބުނީ، ކުރިޔަށް އޮތް ޖެނުއަރީ ޓްރާންސްފާގައި ޔުނައިޓެޑަށް މަންޒުކިޗް ބަދަލުވުމަކީ ވަރަށް ގާތް ކަމެއް ކަމަށާއި، އޭނާގެ ޓްރާންސްފާއާ ގުޅޭގޮތުން ޔުނައިޓެޑް އަދި ޔުވެންޓަސް ނުރަސްމީ އެއްބަސްވުމަކަށް އައިސްފައިވާ ކަމަށެވެ.

ނިމިދިޔަ ޓްރާންސްފާ ބާޒާރުގައިވެސް މަންޒުކިޗް ހޯދަން ގިނަ ކްލަބްތަކުން ވަނީ މަސައްކަތް ކޮށްފައެވެ. އޭގެ ތެރޭގައި ޕީއެސްޖީވެސް ހިމެނެއެވެ. ނަމަވެސް ކްލަބް ދޫކޮށްލަން މަންޒުކިޗް ވަނީ ދެކޮޅު ހަދާފައެވެ.

މިއަހަރުގެ އެޕްރީލް ޔުވެންޓަސްއާއެކު ހަދާފައިވާ އެއްބަސްވުން މަންޒުކިޗް އާކޮށްފައިވާއިރު، އޭނާ އެ ކްލަބުގައި 2021 ވަނަ އަހަރުގެ ނިޔަލަށް މަޑުކުރަން ޖެހޭނެއެވެ. ނަމަވެސް ރިޕޯޓްތައް ބުނާގޮތުން މަންޒުކިޗް ބޭނުންވަނީ ކުރިޔަށް އޮތް ޖެނުއަރީ ޓްރާންސްފާގައި ކްލަބް ދޫކޮށްލާށެވެ.

ޑައިނަމޯ ޒަގްރެބް އިން 2007 ވަނަ އަހަރު ކެރިއަރު ފެށި މަންޒުކިޗް ވަނީ ވުލްފްސްބާގް އާއި ބަޔާން މިއުނިކް އަދި އެތުލެޓިކޯ މެޑްރިޑަށް ވެސް ކުޅެފައެވެ. އޭނާ ޔުވަންޓަސް އަށް ބަދަލުވީ 2015 ވަނަ އަހަރެވެ. އެގޮތުން އޭނާ ވަނީ މިހާތަނަށް އެޓީމަށް ކުޅުނު 162 މެޗުގައި 44 ލަނޑު ކާމިޔާބުކޮށްފައެވެ.

ނިމިގެންދިޔަ ފީފާ ވޯލްޑް ކަޕްގައި މޮޅު ކުޅުމެއް ކްރޮއޭޝިއާ ޓީމަށް ދެއްކި މަންޒުކިޗް ގައުމީ ޓީމަށް ކުޅުން ހުއްޓާލާފައިވާއިރު، އޭނާ ވަނީ އެޓީމަށް ކުޅުނު 89 މެޗުގައި 33 ލަނޑު ކާމިޔާބު ކޮށްފައެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް