މިނިކޯއި އައިލެންޑު ޞަރަހައްދުން ދިވެހި މަސްބޯޓެއް އިންޑިއާ ކޯސްޓުގާޑުން ހިފަހައްޓައިފި
5 އޮކްޓޯބަރު 2019 | ހޮނިހިރު 14:41އިންޑިއާ ކަނޑުގެ ސިފައިން ހިފެހެއްޓީ "އަމްބަރީ" ނަމަކަށް ހިޔާ ދިވެހި މަސްވެރި އުޅަނދެއް
ޒިހްނަތު ހަސަން | 5 އޮކްޓޯބަރު 2019 | ހޮނިހިރު 14:41
ރާއްޖޭގެ މަސްވެެރި އުޅަނދު \"އަމްބަރީ\"
އިންޑިއާ ކަނޑުގެ ޞަރަޙައްދަށް ޤަވާއިދާ ޚިލާފަށް ވަދެ އުޅުނު ދިވެހި މަސްވެރި އުޅަނދެއް އިންޑިއާ ކަނޑުގެ އަސްކަރިއްޔާއިން ހިފަހައްޓައިފިއެވެ.
އިންޑިއާ ކަނޑުގެ އަސްކަރިއްޔާއިން ހިފަހައްޓާފައިވަނީ "އަމްބަރީ" ނަމަކަށް ކިޔާ މަސްވެރި އުޅަނދެކެވެ.
އުޅަނދު ހިފަހައްޓާފައިވަނީ އިންޑިއާގެ "ކަނޑުގެ އިޤްތިޞާދި ޚާއްޞަ ޞަރަޙައްދު" އަށް ނިޞްބަތްވާ މިނިކޯއި އައިލޭންޑާއި ތިރީސް މޭލު ބޭރު ދުރުންނެވެ.
އިންޑިއާގެ މެރިން ފުލުހުން މި މައްސަލަ ބަލަމުންދާކަމަށް ޚަބަރުލިބެއެވެ.
މޯލްޑިވްސް ނެޝަނަލް ޑިފެންސް ފޯރސް އިން މިކަމާބެހޭ ގޮތުން އަދި އެއްޗެއް ބުނެފައެއް ނުވެއެވެ.
