23 އަހަރު ނުވެ ހުރި ކަންކަން މި ސަރުކާރުން ނިންމީ 6 މަސްދުވަހުން : މަހުލޫފް
ޓްވީޓު ކުރެއްވީ އެކުވެނި އިންޑޯ ހޯލް މަރާމާތުކޮށް 5 އަހަރު ފަހުން ފުރަތަމަ ފަހަރަށް އެތަނުގައި ބައިނަލްއަގްވާމީ މުބާރާތެއް ފެށުމާއި ގުޅިގެން
ބެޑްމިންޓަން
23 އަހަރު ވަންދެން ނުވެ ހުރި ކަންކަން މި ސަރުކާރުން ނިންމީ 6 މަސް ދުވަހުން ކަމަށް ޔޫތު މިނިސްޓަރ އަހްމަދު މަހުލޫފް ވިދާޅުވެއްޖެއެވެ. މަހުލޫފް މިހެން ވިދާޅުވީ ސެޕްޓެމްބަރު މަހުގެ 18 ވަނަ ދުވަހު ކުރި ޓްވީޓެއްގައެވެ.
މަހުލޫފް މިހެން ޓްވީޓު ކުރެއްވީ އެކުވެނި އިންޑޯ ހޯލް މަރާމާތުކޮށް 5 އަހަރު ފަހުން ފުރަތަމަ ފަހަރަށް އެތަނުގައި ބައިނަލްއަގްވާމީ މުބާރާތެއް ފެށުމާއި ގުޅިގެންނެވެ.
އެކުވެނީގެ އިންޑޯ ކޯޓު މަރާމާތްކޮށް 8 ބެޑްމިންޓަން ކޯޓު ގާއިމް ކޮށްފައިވާއިރު މިހާރު އެތަނުގެ ލައިޓިން ސިސްޓަމެއްގެ އިތުރުން ބައިނަލްއަޤްވާމީ ފެންވަރުގެ ފްލޯރިން ވަނީ ގާއިމު ކުރެވިފައެވެ. އަދި އެތަނުގެ ހޫނު މިން 50 އިންސައްތަ ވަނީ ދަށް ކުރެވިފައެވެ.
މާލޭގައި ބާއްވާ މޯލްޑިވްސް އިންޓަރނޭޝަނަލް ބެޑުމިންޓަން ޗެލެންޖު ފަށާފައިވާއިރު 15 ޤައުމަކުން 108 ކުޅުންތެރިން މި މުބާރާތުގައި ވާދަކުރެއެވެ. މި މުބާރާތް ކުރިއަށް ދާނީ މި މަހުގެ 17 ން 29 އަށެވެ.
