ހދ.ކުމުންދޫ ބަނދަރު ސަރަހައްދުގައި އައިސްޕްލާންޓެއް ތަރައްގީކުރުމަށް ނިންމައިފިއެވެ.

ކުމުންދޫ ކައުންސިލުން ބުނީ ބަނދަރު ސަރަހައްދުން އައިސްޕްލާންޓެއް ތަރައްގީކުރާނެ ފަރާތެއް ހޯދަން ބޭނުންވާ ކަމަށާއި، އައިސް ޕްލާންޓެއް ތަރައްގީ ކުރުމަށް 2000 އަކަފޫޓުގެ ބިމެއް ކުއްޔައް ދިނުމަށް ވަނީ ނިންމާފައިވާ ކަމަށެވެ.

ކައުންސިލުން ބުނީ މިބިންތައް ކުއްޔަށް ހިފުމަށް ޝައުގުވެރިވާ ފަރާތްތަކުން 19 ސެޕްޓެމްބަރުގައި 11:00 އަށް ޕްރޮޕޯޒަލް ހުށަހަޅަންޖެހޭ ކަމަށެވެ.

ކައުންސިލުން ބުނީ ބަނދަރު ދެކުނު ފަރާތުން އައިސްޕްލާންޓް އެޅުމަށް ދޫކުރަނީ 2000 އަކަފޫޓްގެ ބިމެކެވެ. ދޫކުރެވޭ އެންމެ ކުޑަ ކުއްޔަކީ 60 ލާރިއެވެ.

ކައުންސިލުން ބުނީ ބިން ލިބިއްޖެނަމަ، އެ ބިން ތަރައްގީކޮށް ވިޔަފާރި ފަށާނެ ތާރީޚެއް އަންދާޒާކޮށް ޕްރޮޕޯޒަލްގައި ހިމަނަންޖެހޭ ކަމަށާއި، ބިން ކުއްޔަށް ހިފާ ފަރާތުން ރަށުގެ އިޖުތިމާއީކަންކަމަށް އަހަރަކު ކުރާނެ ކަންކަން ޕްރޮޕޯޒަލްގައި ހިމަނަންޖެހޭ ކަމަށެވެ.

މީގެ އިތުރުން ކައުންސިލުން ބުނީ ބިން ކުއްޔަށް ހިފާ ފަރާތުން ހުށަހަޅާ އެންމެ ބޮޑު ކުލި ޕްރޮޕޯޒަލްގައި ހިމަނަންޖެހޭ ކަމަށެވެ.

ކައުންސިލުން ބުނީ ކުންފުއްޏަކުން ނުވަތަ ލޯކަލް އިންވެސްޓުމެންޓަކުން ޕްރޮޕޯޒަލް ހުށަހަޅާނަމަ، ކުންފުނީގެ ނުވަތަ ލޯކަލް އިންވެސްޓުމެންޓުގެ ރަޖިސްޓަރީގެ ކޮޕީއާއި، އަހަރީ ފީ ދައްކާފައިވާ ރަސީދުގެ ކޮޕީ ހުށަހަޅަންޖެހޭ ކަމަށެވެ.