އިންޑިއާއާއި ޕާކިސްތާނާއި ދެމެދު އުފެދިފައިވާ ޚިޔާލުތަފާތުވުން ހައްލުކުރުން މުހިއްމު: މިނިސްޓަރ ޝާހިދު
23 އޯގަސްޓު 2019 | ހުކުރު 15:42ޝާހިދާއި ޕާކިސްތާނުގެ ފޮރިން މިނިސްޓަރ ވަނީ ފޯނުން ގުޅުއްވައި ވާހަކަ ދައްކަވާފައި
ފޮރިން މިނިސްޓަރ އަބްދުﷲ ޝާހިދު
އިންޑިއާ އާއި ޕާކިސްތާނާއި ދެމެދު އުފެދިފައިވާ ޚިޔާލު ތަފާތުވުންތައް ހައްލު ކުރުން މުހިއްމު ކަމަށް ފޮރިން މިނިސްޓަރ އަބްދުﷲ ޝާހިދު ވިދާޅުވެއްޖެއެވެ.
ޝާހިދާއި ޕާކިސްތާނުގެ ފޮރިން މިނިސްޓަރ މަޚްދޫމް ޝާހް މަޙްމޫދު ޤުރޭޝީއާއި ފޯނުން ވާހަކަފުޅު ދައްކަވައި ވަނީ އިންޑިއާ އާއި ޕާކިސްތާނާއި ދެމެދު ހިނގަމުންދާ ކަންތައްތަކާއި ގުޅޭގޮތުން މަޝްވަރާ ކުރައްވާފައެވެ. އަދި ޖައްމު އެންޑް ކަޝްމީރުގެ މައްސަލައިގެ އެންމެ ފަހުގެ މައުލޫމާތު ވަނީ އޮޅުން ފިލުއްވާފަ އެވެ.
އިންޑިއާއިން އެގައުމުގެ ގާނޫނު އަސާސީގެ 370ވަނަ މާއްދާ އުވާލުމާއި މެދު ޕާކިސްތާނުން ދެކޭ ގޮތުގެ މައުލޫމާތު ޝާހިދަށް، ޕާކިސްތާނުގެ ފޮރިން މިނިސްޓަރ އަރުވާފައިވާކަމަށް ފޮރިން މިނިސްޓްރީން ބުނެއެވެ.
ޕާކިސްތާނާއި އިންޑިއާއަކީ ދިވެހިރާއްޖެއާއި ވަރަށް ރަޙުމަތްތެރި ދެ ޤައުމުކަމަށާއި، އެ ދެ ޤައުމުގެ މެދުގައި އުފެދިފައިވާ ޚިޔާލު ތަފާތުވުންތައް ސުލްހަވެރިކަމާއިއެކު ހައްލުކުރުމުގެ މުހިއްމުކަމެއް ކަމަށް ޝާހިދު ވިދާޅުވި ކަމަށް އެމިނިސްޓްރީން ވަނީ ބުނެފައެވެ.
