ޒުވާނުންގެ ދުވަސް ފާހަގަ ކުރުމަށް މިނިސްޓަރ މަހުލޫފް ވެލިދޫއަށް
މިނިސްޓަރ އާއި އެކު ޔޫއެން ގެ ޔޫތު އެންވޯއީ ޖަޔާތުމާ މި ދަތުރު ފުޅުގައި ބައިވެރިވުމަށް ވަނީ ހަމަޖެހިފަ
ޔޫތު މިނިސްޓަރ ޔޫތު އެންވޯއީ ޖަޔާތުމާ އާއި އެކު
ޔޫތު މިނިސްޓަރ އަހުމަދު މަހުލޫފު ބައިނަލްއަގްވާމީ ޒުވާނުންގެ ދުވަސް ފާހަގަ ކުރުމަށްޓަކާ ނ. ވެލިދޫ އަށް ފުރާވަޑައިގެންފިއެވެ.
މިނިސްޓަރ އާއި އެކު ބައިނަލްއަގްވާމީ ޒުވާނުންގެ ދުވަސް ފާހަގަ ކުރުމަށްޓަކާ ޔުނައިޓެޑް ނޭޝަންސް (ޔޫއެން) ގެ ޔޫތު އެންވޯއީ ޖަޔާތުމާ މި ދަތުރުފުޅުގައި ބައިވެރިވުމަށް ވަނީ ހަމަޖެހިފައެވެ.
ޔޫތު އެންވޯއީ އާއިއެކު ޒުވާނުންނަށް މިހާރަށް ވުރެ ގިނަ ފުރުސަތުތަކެއް ހޯދަދީ، ނިންމުންތަކުގައި ޒުވާނުންގެ ހިއްސާ އިތުރު ކުރުމަށް މަސައްކަތް ކުރައްވާނެ ކަމަށް މިނިސްޓަރު ހޯމަ ދުވަހު ކުރެއްވި ޓްވީޓުގައި ވެއެވެ.
ޒުވާނުންގެ ދުވަސް ފާހަގަ ކުރުމުގެ ގިތުން ވެލިދޫ ގައި ބޭއްވުމަށް ހަމަޖެހިފައިވާ ރަސްމިއްޔާތު ބޭއްވުމަށް ހަމަޖެހިފައިވަނީ ބައިނަލްއަގްވާމީ ޒުވާނުންގެ ދުވަސް، އޮގަސްޓް މަހުގެ 12 ވަނަ ދުވަހެވެ.
