އީދު ބަންދާއި ދިމާކޮށް އައިޖީއެމްއެޗްގެ ގިނަ ޚިދުމަތްތަކެއް މެދުކަނޑާލައިފި
10 އޯގަސްޓު 2019 | ހޮނިހިރު 02:56މި މަހުގެ 10، 11، 14 އަދި 15 އަށް ލެބޯޓްރީގެ އިމާޖެންސީ ޚިދުމަތްތައް ފިޔަވާ އެހެން ހުރިހާ ޚިދުމަތެއް ބަންދުވާނެ
އިންދިރާ ގާންދީ މެމޯރިއަލް ހޮސްޕިޓަލް
އަޟްހާ އީދު ބަންދާއި ދިމާކޮށް އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގެ ގިނަ ޚިދުމަތްތަކެއް މެދުކަނޑާލައިފިއެވެ.
އޮގަސްޓް މަހުގެ 8 ވަނަ ދުވަހު އައިޖީއެމްއެޗް އިން ނެރުނު ނޫސްބަޔާނުގައި ބުނެފައިވަނީ އެ ހޮސްޕިޓަލްގެ ސްޕެޝަލިސްޓް އޯ.ޕީ.ޑީ އަދި އެހެނިހެން ކްލިނިކަލް ޙިދުމަތްތައް ހުޅުވިފައި ހުންނާނީ އޮގަސްޓް 12 ،13 އަދި 17 މި ތިން ދުވަހުގައި ކަމަށެވެ.
ލެބޯޓްރީގެ ހުރިހާ ޚިދުމަތްތައް އާންމު ދުވަސްްތަކުގައި ދޭ އުސޫލުން ހެދުނު 07:30 އިން ރޭގަނޑު 10 އަކަށް މި ތިން ދުވަހު ލިބުނު ކަމުގައި ވީނަމަވެސް މި މަހުގެ 10، 11، 14 އަދި 15 މި ހަތަރު ދުވަހު ލެބޯޓްރީގެ އިމާޖެންސީ ޚިދުމަތްތައް ފިޔަވާ އެހެން ހުރިހާ ޚިދުމަތެއް ބަންދުވާނެ ކަމަށް ބަޔާނުގައި ވެއެވެ.
އަދި މި ހަތަރު ދުވަހު އައި.ޕީ.ޑީ އަދި އިމަރޖެންސީ ޚިދުމަތްތައް ފިޔަވާ އެހެނިހެން ޚިދުމަތްތައް ބަންދުވާނެ ކަމަށް ވެސް ބުނެފައިވެއެވެ.
