ބުދަ 03 ޖޫން 2020
01 މިއަހެލި
1441 ޝައްވާލް 11
ފަތިސް 04:34
އިރުއަރާ 05:52
މެންދުރު 12:08
އަސްރު 15:31
އިރުއޮއްސޭ 18:16
އިޝާ 19:34
މަންތާ އެއަރަލައިން

މަންތާގެ ފުރަތަމަ ސީޕްލޭން ދަތުރު ސެޕްޓެމްބަރު މަހު

  • ދެ ސީޕްލޭން ގެނެސްފައި ވަނީ ކެނެޑާއިން
  • މިއަހަރު ނިމޭއިރު 10 ސީޕްލެން އެއް އޮންނާނެ
  • މަންތާ ދަތުރުތައް ރަސްމީކޮށް ފަށާފައިވަނީ ފެބްރުއަރީ މަހު

ކ. މާލެ | 6 އޯގަސްޓް 2019 | އަންގާރަ 15:08 | 2,759

މަންތާ އެއާ ދަތުރުތައް ރަސްމީކޮށް ފަށާފައިވަނީ ފެބްރުއަރީ މަހު - މަންޓާ އެއާ

މި އަހަރު ފެބްރުއަރީ މަހު އެތެރޭގެ އުދުހުންތައް ފެށި މަންތާ އެއާގެ ސީޕްލޭންގެ ދަތުރުތައް އަންނަ މަހު ފަށަން ތައްޔާރު ވެފައިވާ ކަމަށް އެ އެއާލައިނުން ބުނެފި އެވެ.

މިހާރު އެ ކުންފުނިން ދަނީ ސީޕްލޭން ދަތުރުތައް ފެށުމުގެ އެންމެ ފަހު މަރުހަލާގެ މަސައްކަތްތައް ކުރަމުންނެވެ. މަންތާ އިން ބުނީ، މިހާރު މަޑުކޮށްގެން ތިބީ ޓްރާންސްޕޯޓް މިނިސްޓްރީން އެކަމަށް ބޭނުންވާ ހުއްދަތައް ލިބެންދެން ކަމަށެވެ.

ކުރިން ކަނޑައެޅިފައިވާ ތާރިހު ތަކަށް ނުފެށުނަސް އަންނަ މަހު ސީޕްލޭންގެ ދަތުރުތައް ފެށޭނެ ކަމުގެ ޔަގީންކަން އެ އެއާލައިނުން ވަނީ ކަސްޓަމަރުންނަށް ދީފަ އެވެ.

ދަތުރުތައް ފަށަން ގެންނަ ހަތަރު ސީޕްލޭން އަކީ ކެނެޑާ އިން ގެންނަ ސީޕްލޭން އެވެ. މި އަހަރު ނިމޭއިރު ޖުމްލަ 10 ސީޕްލޭން އޮންނާނެ ކަމަށް މަންތާ އިން ބުންޏެވެ.

މަންތާ އިން ވަނީ މިހާތަނަށް ތިން ފްލައިޓެއް ރާއްޖެ ގެނެސްފައެވެ. އެ އެއާލައިނުން އެންމެ ފުރަތަމަ ދަތުރު ކޮށްފައިވަނީ ދ. ކުޑަހުވަދޫ އަށެވެ. މަންތާގެ ދަތުރުތައް ތ. ތިމަރަފުއްޓަށް ކުރަން ހަމަޖެހިފައިވާ ކަމަށް ވަނީ މީގެ ކުރިން ބުނެފައެވެ.

މަންތާގެ އުދުހުންތަކުގައި ބޭނުން ކުރާނީ އޭޓީއާރު 600-72 މަރުކާގެ މަތިންދާ ބޯޓެވެ. އެ ބޯޓު ތަކަކީ 68 މީހުންނާއި 78 މީހުންނާ ދެމެދުގެ އަދަދަކަށް ފަސިންޖަރުން އުފުލޭ ގޮތަށް ފަރުމާކޮށްފައިވާ މަތިންދާ ބޯޓު ތަކެކެވެ.

ރާއްޖޭގެ އެތެރޭގެ އުދުހުން ތަކުގައި މަންތާގެ އިތުރުން މޯލްޑިވިއަންގެ އަދި ފްލައިމީ ހަރަކާތްތެރިވެއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ހުޝާމް މުހަޢްމަދް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.