މިނިސްޓަރ ނަހުލާ އާއި، މިނިސްޓަރ އަމީން މިހަފްތާގައި މަޖިލީހަށް ހާޒިރުކުރަނީ
4 އޯގަސްޓު 2019 | އާދީއްތަ 10:19އަމީން ހާޒިރުކުރަނީ ހޯމަ ދުވަހުގެ ޖަލްސާއަށް
ޓްރާންސްޕޯޓް މިނިސްޓަރ އައިޝަތު ނަހުލާ
ޓްރާންސްޕޯޓް މިނިސްޓަރ އައިޝަތު ނަހުލާ އާއި، ހެލްތު މިނިސްޓަރ އަބްދުﷲ އަމީން މިހަފްތާގައި މަޖިލީހަށް ހާޒިރުކުރުމަށް ތާވަލްކޮށްފި އެވެ.
މަޖިލީހުގެ އިދާރާގައި ބޭއްވި ނޫސްވެރިންގެ ބައްދަލުވުމުގައި މަޖިލީހުގެ އަމިންއާންމު ފާތިމަތު ނިއުޝާ ވިދާޅުވީ ހޯމަ ދުވަހުގެ ޖަލްސާއަށް މިނިސްޓަރ އަމީން ހާޒިރުކުރުމަށް ތާވަލްކޮށްފައިވާކަމަށެވެ. މިނިސްޓަރ އަމީން މަޖިލީހަށް ހާޒިރުކުރުމަށް މަޖިލީހަށް ހުށަހެޅުއްވީ މަޑުއްވަރީ ދާއިރާ މެމްބަރު، އާދަމް ޝަރީފު އުމަރެވެ.
މެމްބަރު މިނިސްޓަރާއި ސުވާލުކުރައްވަނީ ރ. މަޑުއްވަރީ ސިއްހީ މަރުކަޒާއި ރ. މީދޫ ސިއްހީ މަރުކަޒާ ގުޅޭގޮތުންނެވެ.
މިނިސްޓަރ އާއިޝަތު ނަހުލާ ހާޒިރުކުރުމަށް ތާވަލްކޮށްފަިއވަނީ ބުދ ަދުވަހުގެ މަޖިލީހުގެ ޖަލްސާއަށެވެ.
ޓްރާންސްޕޯޓް މިނިސްޓަރާއި ސުވާލު ކުރެއްވުމަށް ހުށަހެޅުއްވީ ކާށިދޫ ދާއިރާގެ މެމްބަރު އަބްދުﷲ ޖާބިރެވެ. މިނިސްޓަރު މަޖިލީހަށް ހާޒިރުކޮށް ސުވާލުކުރައްވަނީ މާލޭގައި ޕާކިންގ މައްސަލައަށް އެކަށީގެންވާ ހައްލެއް ނުހޯދި ގަވާއިދާ ހިލާފަށް ޕާކްކުރާ އެއްގަމު އުޅަނދުތަކުގައި ފުލުހުން ސްޓިކާ ޖަހާ މައްސަލައާ ގުޅިގެންނެވެ.
ރައްޔިތުންގެ މަޖިލީހުގެ ގަވައިދުގައިވާގޮތުން މިނިސްޓަރަކާ ސުވާލުކުރެއްވުމަށް މެމްބަރަކު ހުށަހެޅުއްވުމުން އެ މިނިސްޓަރަކަށް 14 ދުވަހުގެ މުހުލަތެއް އެރުވޭނެއެވެ.
