ޔޫތް މިނިސްޓަރ "ސްވިޗް" ޕްރޮގްރާމް ލޯންޗް ކޮށްދެއްވައިފި
29 ޖޫން 2019 | ހޮނިހިރު 09:44"ސްވިޗް" ޕްރޮގްރާމް އިފްތިތާހު ކުރުން
\"ސްވިޗް\" ޕްރޮގްރާމް އިފްތިތާހު ކުރުމުގެ ރަސްމިއްޔާތު ގެ ތެރެއިން
ޔޫތް މިނިސްޓަރ އަހްމަދު މަހުލޫފް އައްޑޫ ސިޓީގައި "ސްވިޗް" ޕްރޮގްރާމް ލޯންޗް ކޮށްދެއްވައިފިއެވެ.
ސައުތް ކޮމިއުނިޓީ އެމަޕަވާރމެންޓް އެސޯސިއޭޝަން މޯލްޑިވްސް ގެ އިސްނުމުގެ ދަށުން ކުރިއަށް ގެންދާ، މި ޕްރޮގްރާމް
އިފްތިތާހު ކުރުމުގެ ރަސްމިއްޔާތު އޮތީ 29 ޖޫން 11:30 ން 12:30 ށެވެ.
"ސްވިޗް" ޕްރޮގްރާމް އަކީ ޕްލާސްޓިކް ކޮތަޅުން އެހެން ވައްތަރެއްގެ ދަބަހަކަށް ބަދަލުކުރުމަށް ކުރެވޭ މަސައްކަތުގެ ތެރެއިން ކުރިއަށް ގެންދެވޭ ޕްރޮގްރާމެއް ކަމަށް އައްޑޫ ކައުންސިލް ގެ މޭޔަރު އަހްމަދް ޞޯދިގް (ސޯބެ) ރާއްޖެ އެމްވީ އަށް ދެއްވި އިންޓަވިއުއެއްގައި ވިދާޅުވިއެވެ.
އައްޑު އަތޮޅުގައި އެއްފަހަރު ބޭނުންކޮށް އެއްލާލެވޭ ޕްލާސްޓިކް 2020 ވަނަ އަހަރުގެ ޖޫން މަހުގެ 5 ދުވަހުން ފަށައިގެން ބޭނުންކުރުން މަނާ ކުރުމަށް ވަނީ ގަރާރެއް ފާސްކުރައްވާފައެވެ.
18 ޖޫންގައި ބޭއްވުނު ޖަލްސާއެއްގައި އައްޑޫ ކައުންސިލް ގެ 7 މެމްބަރުންވަނީ މި ގަރާރު ފާސްކުރުމަށް ވޯޓު ދެއްވާފައެވެ.
