އެމްޓީސީސީ ސުޒުކީ ރޯދަ ޕްރޮމޯ 2019 ފަށައިފި

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސިސީ) އިން ސުޒުކީ ރޯދަ ޕްރޮމޯ 2019 ވަރަށް ހާއްސަ ޑިސްކައުންޓްތަކަކާއެކު ފަށައިފިއެވެ.

ޕްރޮމޯޝަން ލޯންޗް ކުރުމަށް ބުރާސްފަތިދުވަހުގެ ހެނދުނު އެމްޓީސީސީ ކަށަވަރު ޝޯވރޫމްގައި ބޭއްވި ރަސްމިއްޔާތުގައި ވާހަކަ ދައްކަވަމުން ޓްރޭޑިންގް ޑިޕާރޓްމެންޓްގެ ޖެނެރަލް މެނޭޖަރ އިސްމާއިލް އަދުހަމް ވިދާޅުވީ ޕްރޮމޯޝަން ކުރިޔަށް ދާނީީ މެއި މަހުގެ 2 ވަނަ ދުވަހުން ފެށިގެން ޖޫންމަހުގެ 2 ވަނަ ދުވަހުގެ ނިޔަލަށް ކަމަށާއި 9.9 ހޯސްޕަވަރުން ފެށިގެން 150 ހޯސްޕަވަރ އާއި ހަމަޔަށް ސުޒުކީ އައުޓްބޯޑް އިންޖީނުން ޑިސްކައުންޓް ލިބިގެންދާނެ ކަމަށެވެ. 15 ޕަސެންޓްގެ ޑިސްކައުންޓް ޕްރޮމޯޝަންގެ ދަށުން ލިބިގެން ދާއިރު 150 ހޯސް ޕަވަރުގެ އިންޖީނަކުން ވެސް 40،000 ރުފިޔާގެ ލުޔެއް ލިބިގެންދާނެ ކަމަށް އަދުހަމް ވިދާޅުވިއެވެ .

އަދުހަމް އިތުރަށް ވިދާޅުޥީ ޕްރޮމޯޝަންގެ ބޭނުން ހިފަން ހުރިހާ ކަސްޓަމަރުންނަށް އިލްތިމާސް ކުރާކަމަށާއި އަތޮޅުތެރޭގައި ދިރިއުޅުއްވާ ފަރާތްތަކަށްވެސް ބައިވެރިވުމުގެ ފުރުސަތު ލިބިގެން ދާނެކަމަށެވެ. އެގޮތުން އެމްޓީސީސީއަށް ގުޅައިގެން ޕްރޮމޯޝަންގެ ދަށުން ޑިޕޮސިޓް ކުރެވޭނެ ގޮތަކާއި މާލޭގައި ދިރިއުޅޭ ފަރާތާއި ހަވާލް ކޮށްގެން ފައިސާ ދެއްކޭނެ އެރޭންޖްމަންޓް އެއް އޮންނަ ކަމަށް ވެސް އަދުހަމް ވިދާޅުވިއެވެ.

އެމްޓީސީސީ އިން ބުނީ އެކުންފުނީގެ އަމާޒަކީ އަބަދު ވެސް ކަސްޓަމަރުންނަށް ލުއި ފަސޭހަ ގޮތްތައް ހޯދައިދިނުން ކަމަށެވެ. އެގޮތުން ކޮންމެ އަހަރަކު ވެސް އެކި ޕްރޮޑަކްޓްތަކުން ކަސްޓަމަރުންނަށް ލުއިފަސޭހަ ޕްރޮމޯޝަންތައް ބޭއްވުމާއި، ރާއްޖޭގެ އެކި ކަންކޮޅުތަކުގައި ތިބި އެމްޓީސީސީގެ ކަސްޓަމަރުންނާ ބައްދަލުކޮށް ޓްރެއިނިންގ އަދި މައުލޫމާތު ދިނުމުގެ ހަރަކާތްތައް އެކުންފުނިން އަބަދު ވެސް ރާވާ ހިންގަމުން ދާކަމަށެވެ.