ކ. މާލެ
|
24 އޭޕްރިލް 2019 | ބުދަ 12:34
ތެނޯސް، އިންފިނިޓީ ގޯންޓްލެޓްއާ އެކު
ތެނޯސް، އިންފިނިޓީ ގޯންޓްލެޓްއާ އެކު
ރެޑިޓް
އެވެންޖަރސް: އެންޑްގޭމް
ތެނޯސްގެ އިންފިނިޓީ ގޯންޓްލެޓްގެ ސްޓޯންތައް ބްލެކް ވިޑޯ އާއި ކެޕްޓަން މާވަލް އަތުގައި!
 
ހަ ސްޓޯން އެކުލެވޭ މި ގޯންޓްލެޓް އަކީ ތެނޯސްގެ އެންމެ ނުރައްކާތެރި ހަތިޔާރު

މާވަލް ސްޓޫޑިއޯސް އާއި ވޯލްޓް ޑިޒްނީ ސްޓޫޑިއޯ މޯޝަން ޕިކްޗަރސްގެ 'އެވެންޖަރސް: އެންޑްގޭމް' ލޮސް އެންޖެލެސްގައި ޕްރިމިއަރ ކޮށްފައިވަނީ އަންގާރަ ދުވަހެވެ.

މި ޕްރިމިއަރގައި 'އެވެންޖަރސް' ޕްރެންޗައިސްގެ ތަރިންތައް ބައިވެރިވެފައިވާ އިރު، ހޮލީވުޑްގައި ފާހަގަ ކޮށްލެވޭ އެހެން ގިނަ ތަރިންތައް ވެސް މި ހަފްލާގައި ބައިވެރިވެފައިވެއެވެ.

ނަމަވެސް، އެންމެ ފާހަގަ ކޮށްލެވުނީ އެ ފިލްމްތަކުގައި ލީޑިންގ ރޯލުން ފެންނަ ދެ އަންހެނުން ކަމަށްވާ، ބްލެކް ވިޑޯގެ ރޯލުން ފެންނަ ސްކާލެޓް ޖޮހާންސަން އާއި ކެޕްޓަން މާވަލްގެ ރޯލް ކުޅޭ ބްރީ ލާސަންގެ ގަހަނާ އެވެ. އެއީ މި ފްރެންޗައިސްގެ އެންމެ ބޮޑު ވިލަން، ތަނޯސްގެ 'އިންފިނިޓީ ގޯންޓްލެޓް' ގެ ސްޓޯންތަކެވެ.

ސްކާލެޓް ޖޮހާންސަން އާއި ބްރީ ލާސަން

ހަ ސްޓޯން އެކުލެވޭ މި ގޯންޓްލެޓް އަކީ ތެނޯސްގެ އެންމެ ނުރައްކާތެރި ހަތިޔާރަށްވާ އިރު، އޭނާ ވަނީ 'އެވެންޖަރސް: އިންފިނިޓީ ވޯ' ގައި އެ ގޯންޓްލެޓް ބޭނުން ކޮށްގެން ދުނިޔޭގެ ދެބައި ކުޅަ އެއްބައި "ދުއްވާލާފަ"އެވެ.

މި ދެ ތަރިންގެ މި ތަފާތު ގަހަނާއަށް ފޭނުން ދަނީ ތަރުހީބު ދެމުންނެވެ.

ސްކާލެޓް އާއި ބްރީގެ އިތުރުން ޕްރިމިއަރގައި ބައިވެރިވި ތަރިންގެ ތެރޭގައި، ރޮބަޓް ޑައުނީ ޖޫނިއަރ، ކްރިސް އެވަންސް، މާކް ރަފަލޯ، ކްރިސް ޕްރެޓް، ކްރިސް ހެމްސްވޯތު، ބްރޭޑްލީ ކޫޕަރ، މެޓް ޑޭމަން، ގްވިނެތް ޕަލްޓްރޯ، ޑަނައި ގުރީރާ، އެވެންޖަލިން ލިލީ، ނެޓަލީ ޕޯޓްމަން، ޒޯއީ ސަލްޑާނާ، ޖޯޝް ބްރޯލިން، ކޯބީ ސްމަލްޑަރސް، ޑޮން ޗީޑްލް، ސެބޭސްޗަން ސްޓޭން، ޕޯލް ރަޑް، ޓެސާ ތޮމްޕްސަން، ޖެރަމީ ރެނަރ، ބެނެޑިކްޓް ކަމްބަބެޗް، ލެޓީޝާ ރައިޓް، ވިން ޑީސަލް، ކެރެން ގިލަން، އެލިޒަބެތު އޮލްސަން އަދި އެންތަނީ މެކީ ހިމެނެއެވެ. މިއީ އަދި އެވެންޖަރސް ފިލްމްތަކުން ފެންނަ ބައެއް ތަރިންނެވެ.

'އެންޑްގޭމް' ގައި ބައެއް ތަރިންގެ ސްޓޯރީލައިންތައް ނިމިގެންދާނެ ކަމަށް ރިޕޯޓް ކުރެވިފައިވާ އިރު، މާވެލްގެ ފުރަތަމަ ފިލްމް 'އަޔަންމޭން' ރިލީޒް ކޮށްފައިވަނީ 2008 ވަނަ އަހަރެވެ. ދުނިޔޭގެ ބައެއް ސަރަހައްދު ތަކުގައި ފިލްމް މިހާރު ރިލީޒް ކޮށްފައިވާ އިރު، ޕްރި-ސޭލް ޓިކެޓްތަކުން ވެސް 'އެންޑްގޭމް' އިން ވަނީ ރިކޯޑްތައް މުގުރާފައެވެ.

'އެވެންޖަރސް: އެންޑްގޭމް' އަކީ މި ފްރެންޗައިސްގެ 21 ވަނަ ފިލްމެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
0%
0%
0%
ކޮމެންޓް