އަމީތާބް ޕާކިސްތާން މީހެއްގެ ރޯލް ކުޅެން ލިބުނު ފިލްމު ދޫކޮށްލައިފި
10 އެޕްރީލު 2019 | ބުދަ 07:39ފިލްމު ދޫކޮށްލީ ފިލްމު ކުޅެން އެއްބަސްވުމަށްފަހު
އަމީތާބް ބައްޗަން
އިންޑިއާއާއި ޕާކިސްތާނުގެ ހަމަނުޖެހުމާއި ހެދި އެދެގައުމުގެ ދެމެދު ހިނގާ ސުލްހައިގެ ހާދިސާތަކެއްގެ މައްޗަށް ބިނާކޮށް ހަދާ ފިލްމުގައި އަމީތާބް ބައްޗަން ދޫކޮށްލަން ނިންމައިފިއެވެ.
އޭނާ މި ފިލްމު ދޫކޮށްލަން ނިންމާފައިވަނީ އެ ފިލްމުގައި ޕާކިސްތާން މީހެއްގެ ރޯލް ކުޅެން އެއްބަސްވުމަށް ފަހުއެވެ.
އިންޑިއާއާއި ޕާކިސްތާނުގެ ގުޅުން ގޯސްވެފައިވަނީ މިދިޔަ ފެބްރުއަރީ މަހުގެ ތެރޭގައި އިންޑިއާގެ އަސްކަރީ ބޭސްއަކަށް ހަމަލާދީ އެގައުމުގެ 42 ސިފައިން މަރާލުމާއި ގުޅިގެން ހިނގައިދިޔަ ހަމަނުޖެހުންތަކާއި ގުޅިގެންނެވެ. އެމައްސަލައިގައި އިންޑިއާއާއި ޕާކިސްތާނުން ހަނގުރާމަ ފެށިއެވެ.
އަމީތާބް ނުކުޅެ ދޫކޮށްލި ފިލްމަކީ މީގެ ދެ އަހަރު ކުރިން އޭނާއަށް ހުށައެޅި ފިލްމެކެވެ. މިފިލްމު ޝޫޓްކުރަން ނުފަށާ ވަނީ އަމީތާބް އެފިލްމު ކުޅޭނެ ދުވަހެއް ފައިނަލް ނުކޮށްގެން ކަމަށް އިންޑިއާގެ ޚަބަރުތަކުގައި ވަނީ ބުނެފައެވެ.
އަމީތާބް މިހާރު ދަނީ އޭނާގެ ބޮލީވުޑް ފިލްމު "ޖުންދު" ގެ މަސައްކަތް ކުރަމުންނެވެ. އަންނަ ޑިސެޕްޓެމްބަރ މަހުގެ 20 ވަނަ ދުވަހު ރިލީޒް ކުރާ އެ ފިލްމު ޑައިރެކްޓް ކުރަނީ ނަގްރާޖް މަންޖޫލީއެވެ.
