އިތުރު 8 ބޭފުޅަކަށް ޖޭޕީގެ ޓިކެޓް ދީފި

19 ވަނަ ރައްޔިތުންގެ މަޖިލީހުގައި ވާދަކުރުމަށް ޖުމްހޫރީ ޕާޓީން އިތުރު 8 ބޭފުޅަކަށް އެޕާޓީން ޓިކެޓް ދިީފިިއެވެ.

އަންނަ އޭޕްރީލް މަހުގެ ހަވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިހާބުގައި ވާދަކުރުމަށް ޖޭޕީން އަލަށް ޓިކެޓު ދީފައިވަނީ އިހަވަންދޫ ދާއިރާ މިލަންދޫ ދާއިރާ ނޮޅިވަރަމް ދާއިރާ، ހޮޅުދޫ ދާއިރާ، ކިނބިދޫ ދާއިރާ، މަޑަވެލި ދާއިރާ، އަދި ނައިފަރު ދާއިރާގެ އިތުރުން އައްޑޫ މީދޫ ދާއިރާއަށެވެ.

މަޖިލީހަށް ވާދަ ކުރާނެ ކެންޑިޑޭޓުން ކަނޑައެޅުމުގެ ބާރު އެ ޕާޓީގެ ބާނީ ގާސިމް އިބުރާހިމަށް ދެއްވާފައިވާއިރު، އެ އަށް ބޭފުޅުންނަށް ޓިކެޓް ހަވާލުކުރެއްވުމަށްފަހު ގާސިމް ވިދާޅުވީ، އަދިވެސް އިތުރު ދާއިރާތަކަށް ޓިކެޓް ހަވާލުކުރެވިގެން ދާނެކަމަށެވެ.

މީގެ ކުރިންވެސް ޖޭޕީން ވަނީ 36 ބޭފުޅަކަށް ޓިކެޓު ދީފައެވެ. އެހެންކަމުން ޖޭޕީން މަޖިލިސް އިންތިހާބުގައި ވާދަކުރާ ދާއިރާތަކުގެ އަދަދު މިހާރު ވަނީ 44 އަށް އަރައިފައެވެ.