ޕްރިމިއާ ލީގު: ޗެލްސީގެ މައްޗަށް އާސެނަލް ކުރިހޯދުމުން ގަދަ ހަތަރެއް ފޯރިގަދަވެއްޖެ

ޕްރިމިއާ ލީގުގައި ޗެލްސީގެ މައްޗަށް އާސެނަލް ކުރިހޯދުމުން ގަދަ ހަތަރެއްގެ ފޯރިގަދަވެއްޖެއެވެ.

ހޮނިހިރު ދުވަހުގެރޭ ކުޅުނު މެޗުގައި ޗެލްސީގެ މައްޗަށް އާސެނަލް ކުރިހޯދީ 0-2 ގެ ނަތީޖާއަކުންނެވެ.

އާސެނަލް ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅެމުންދިޔައީ އެޓީމުންނެވެ. އެގޮތުން 14 ވަނަ މިނެޓުގައި އެޓީމުން ވަނީ ލީޑު ނަގާފައެވެ. މި ލަނޑު ބެލެރިންގެ އެހީތެރިކަމާއެކު ކާމިޔާބުކުރީ ލަކަޒޭޓްއެވެ.

މި ލަނޑަށްފަހުވެސް އާސެނަލްއިން ދިޔައީ މޮޅު ކުޅުމެއް ދައްކަމުންނެވެ. އެގޮތުން ޗެލްސީގެ ހާފަށް ބާރުބޮޑުކޮށް ގިނަ ހަމަލާތަކެއް އެޓީމުން ވަނީ އުފައްދާފައެވެ.

އާސެނަލްއިން މެޗުގެ ލީޑު ފުޅާކުރީ 39 ވަނަ މިނެޓުގައެވެ. މި ލަނޑު އެޓީމަށް ކާމިޔާބުކޮށްދިނީ ކޮޝިއެލްނީއެވެ. މި ލަނޑުތަކާއެކު ފުރަތަމަ ހާފް ނިމުނީ 0-2 ގެ ނަތީޖާއިން ޗެލްސީގެ މައްޗަށް އާސެނަލް ކުރީގައި އޮވެގެންނެވެ.

.

ދެވަނަ ހާފް ފެށިގެން ޗެލްސީގެ ފަރާތުން ގިނަ ހަމަލާތައް ފެނިގެންދިޔައެވެ. ނަމަވެސް އާސެނަލްއިން ވަނީ ހުށިއާރުކަމާއެކު ޗެލްސީގެ ހަމަލާތައް ދިފާއުކޮށްފައެވެ.

މި ނަތީޖާއާއެކު އާސެނަލް އޮތީ ކުޅުނު 23 މެޗުން ލިބުނު 44 ޕޮއިންޓާއެކު ޕޮއިންޓް ތާވަލުގެ ފަސްވަނައިގައެވެ. މެޗުން ބަލިވި ޗެލްސީ އޮތީ ކުޅުނު 23 މެޗުން ލިބުނު 44 ޕޮއިންޓާއެކު ޕޮއިންޓް ތާވަލުގެ ފަސްވަނައިގައެވެ. އަދި ޕޮއިންޓް ތާވަލުގެ ތިންވަނައިގައި ޓޮޓެންހަމް އޮތީ 23 މެޗުން ލިބުނު 48 ޕޮއިންޓާއެކުގައެވެ.

ޕޮއިންޓް ތާވަލުގެ ހަވަނައިގައި މެންޗެސްޓާ ޔުނައިޓެޑު އޮތީ އާސެނަލްއާ އެއް އަދަދަކަށް ޕޮއިންޓް ހޯދައިގެންނެވެ. ޔުނައިޓެޑަށް ފަސްވަނަ ލިބުނީ ލަނޑުގެ ތަފާތުންނެވެ.