ދިވެހި ޕްރިމިއާ ލީގު: ފޯކައިދޫ އަތުން ބަލިވެ ގްރީން އަށް ގަދަ ހަތަރެއްގެ ޖާގަ ގެއްލިއްޖެ

ދިރާގު ދިވެހި ޕްރިމިއާ ލީގުގައި ށ. ފޯކައިދޫ އަތުން ބަލިވެ ކްލަބް ގްރީން ސްޓްރީޓަށް ގަދަ ހަތަރެއްގެ ޖާގަ ގެއްލިއްޖެއެވެ.

ހޯމަ ދުވަހު ހަވީރު ކުޅުނު މެޗު ގްރީންއާ ވާދަކޮށް ފޯކައިދޫ އިން މެޗު ކާމިޔާބުކުރީ 1-4 ގެ ނަތީޖާ އަކުންނެވެ.

ގަލޮޅު ދަނޑުގައި ކުޅުނު މި މެޗު ފެށިގެން ލަނޑު ޖަހާ ފުރަތަމަ ލީޑު ނެގީ ގްރީންއެވެ. މި ލަނޑު 29 ވަނަ މިނެޓުގައި އެޓީމަށް ކާމިޔާބުކޮށްދިނީ އަލީ ނަސޫހު ރަޝީދެވެ.

މި ލަނޑާއެކު ފުރަތަމަ ހާފް ނިމުނީ 0-1 ގެ ނަތީޖާއިން ފޯކައިދޫގެ މައްޗަށް ގްރީން ކުރީގައި އޮވެގެންނެވެ.

ދެވަނަ ހާފް ފެށިގެން މާގިނަ އިރުތަކެއް ނުވަނީސް ފޯކައިދޫ އިން ވަނީ ނަތީޖާ ހަމަހަމަ ކޮށްފައެވެ. މި ލަނޑު 51 ވަނަ މިނެޓުގައި އެޓީމަށް ކާމިޔާބުކޮށްދިނީ ހަލީލް ޖަމާލްއެވެ.

މި ލަނޑަށްފަހު ފޯކައިދޫ އިން ދިޔައީ ފުލުފުލުގައި ހަމަލާ އުފައްދަމުންނެވެ. އެގޮތުން 57 ވަނަ މިނެޓުގައި ހަސަން ނަޒީމް ކާމިޔާބުކުރި ލަނޑުން އެޓީމުން ފުރަތަމަ ފަހަރަށް މެޗުގެ ލީޑު ވަނީ ނަގާފައެވެ.

ފޯކައިދޫގެ ތިންވަނަ ލަނޑު 75 ވަނަ މިނެޓުގައި އަހުމަދު ޝަމާލް ކާމިޔާބުކޮށްފައިވާއިރު، 83 ވަނަ މިނެޓުގައި ހަލީލް ވަނީ ފޯކައިދޫގެ ހަތަރުވަނަ ލަނޑު ކާމިޔާބުކޮށްފައެވެ. މެޗުގެ މޮޅު ކުޅުންތެރިޔާ އަށް ވެސް ހޮވުނީ އޭނާއެވެ.

މި ނަތީޖާއާއެކު ގްރީން އޮތީ ކުޅުނު 15 މެޗުން ލިބުނު 23 ޕޮއިންޓާއެކު ޕޮއިންޓް ތާވަލުގެ ފަސްވަނައިގައެވެ. މެޗުން ބަލިވި ފޯކައިދޫ ވަނީ ކުޅުނު 15 މެޗުން 12 ޕޮއިންޓާއެކު ޕޮއިންޓާއެކު ޕޮއިންޓް ތާވަލުގެ ހަވަނަ އަށް ޖެހިލާފައެވެ.