ދިރާގު ޕޭ ޓެކްސީ ޕްރޮމޯޝަން ފަށައިފި
25 ޓެކްސީއިން ޚިދުމަތް ހޯދުމަށްފަހު އެއަށް ދިރާގު ޕޭއިން ފައިސާ ދެއްކުމުން މިޕްރޮމޯޝަންގައި ބައިވެރިވެވޭނެ
ދިރާގު ޕޭގެ ހިދުމަތް ތައާރަފް ކުރުމުގެ ތެރެއިން
ދިރާގުން ފޯރުކޮށްދޭ ޑިޖިޓަލް ހިދުމަތްތައް ފުޅާކޮށް ތަރައްގީކުރުމުގެ ގޮތުން "ދިރާގު ޕޭ" ގެ މުޅިން އާ ޕްރޮމޯޝަނެއް ފަށައިފި އެވެ.
"ދިރާގު ޕޭ ޓެކްސީ"ގެ ނަމުގައި ފެށި މިޕްރޮމޯޝަންގެ ދަށުން ދިރާގު ޕޭ ބޭނުން ކޮށްގެން 25 ޓެކްސީއިން ޚިދުމަތް ހޯދުމަށްފަހު އެއަށް ދިރާގު ޕޭއިން ފައިސާ ދެއްކުމުން މިޕްރޮމޯޝަންގައި އޮޓޮމެޓިކުން ބައިވެރިވެވޭނެ ކަމަށެވެ. މި ޕްރޮމޯޝަންގެ ގުރުއަތުލުމުގައި ވެސް ބައިވެރިވެވޭނެ ކަމަށް ވެސް ދިރާގުން ބުންޏެވެ.
ދިރާގުން ބުނީ މިޕްރޮމޯޝަންގައި ބައިވެރިވާ މީހުންގެ މެދުގައި ނެގޭ ގުރުއަތުލުމުން 10 ނަސީބުވެރިންގެ ޕޭ ވޮލެޓަށް 1500 ރުފިޔާ ލިބޭނެ ކަމަށެވެ.
ދިރާގު ޕޭ ޓެކްސީ ޕްރޮމޯޝަން ކުރިއަށް ގެންދިއުމަށް ހަމަޖެހިފައިވަނީ މިމަހުގެ 30 ގެ ނިޔަލަށެވެ.
