ލިޔޯ މެސީ އާއި އުރީދޫ ގުޅިގެން އެންޖޯއި ދަ އިންޓަނެޓް ކެމްޕޭން ފަށައިފި
14 ޖޫން 2018 | ބުރާސްފަތި 16:40އެންޖޯއި ދަ އިންޓަނެޓް ކެމްޕޭން އިން އިންޓަނެޓްގެ ތަޖުރިބާއަށް އިތުރު ފުރިހަމަކަމެއް ގެނެސްދޭނެކަމަށް އުރީދޫން ބުނޭ
އުރީދޫގެ ގްލޯބަލް ބްރޭންޑް އެމްބެސެޑަރ މެސީ
ޑިޖިޓަލް ދުނިޔެއެއްގައި ކުރެވިދާނެ ތަފާތުކަންކަން ދައްކުވައިދިނުމުގެ ގޮތުން، އުރީދޫ އާއި ލިއޮނެލް މެސީ ގުޅިގެން ވަރަށް ތަފާތު ކެމްޕޭނެއް ފަށައިފިއެވެ.
އުރީދޫގެ 'އެންޖޯއި ދަ އިންޓަނެޓް' ކެމްޕެއިންގެ ދަށުން، އެކުންފުނީގެ ގްލޯބަލް ބްރޭންޑް އެމްބެސެޑަރ އަދި ދުނިޔޭގެ އެންމެ މޮޅު އެއް ފުޓުބޯޅަ ތަރި، ލިޔޮނެލް މެސީ ފެނިގެން ދާނީ ރާއްޖޭގެ އެތްލީޓް އަހްމަދު އާތިފް ފަދަ އުރީދޫގެ ޚިދުމަތް ފޯރުކޮށްދޭ އެކި މާކެޓްތަކުގެ ސޯޝަލް މީޑިޔާ އިންފުލެއެންސަރއިންނާއި އެކީގައި ކަަމަށް އުރީދޫއިން ބުނެއެވެ.
ޑިޖިޓަލް ޚިދުމަތްތައް މެދުވެރިކޮށް އުރީދޫގެ އެންމެ ކުރިއަރާފައިވާ ނެޓްވާރކް މެދުވެރިކޮށް އިންޓަނެޓްގެ ތަޖުރިބާއަށް އިތުރު ފުރިހަމަކަމެއް ގެނެސްދޭނެ ކަމަށް އުރީދޫން މައުލޫމާތުދެއެވެ. މި ކެމްޕެއިންގެ ވީޑިއޯ އުރީދޫގެ ޔޫޓިއުބް ޗެނަލްގެ އިތުރުން، ފޭސްބުކް، އިންސްޓަގްރާމް އަދި ޓްވިޓާ ޕޭޖް މެދުވެރިކޮށް ލިބެއެވެ.
ލިއޯ މެސީ އަކީ 2013 އިން ފެށިގެން އުރީދޫގެ ގްލޯބަލް ބްރޭންޑް އެމްބެސެޑަރ އެވެ. އަދި މިގޮތުން، ދުނިޔޭގެ އެކި ހިސާބުތަކަށް ބެހިފައިވާ މީހުންގެ ހަޔާތަށް އިތުރު ފުރިހަމަ ކަމެއް ގެނެސް ދިނުމަށް އެކުންފުނިން ކުރާ މަސައްކަތުގައި، މެސީ ވެސް ވަނީ ބައިވެރިވެ، އެއްބާރުލުންދީފައެވެ. މެސީ އަކީ އެފްސީ ބާސެލޯނާ އަދި އާޖެންޓީނާގެ ޤައުމީ ޓީމުގެ އެންމެ މުހިންމު ފޯވާޑެވެ. މެސީ ވަނީ ބައިނަލްއަޤްވާމީ ފެންވަރުގައި އަދި ދުނިޔޭގެ އެންމެ ކުޅަދާނަ ފުޓުބޯޅަ ކުޅުންތެރިޔާގެ ލަގަބު ހޯދާފައެވެ. މެސީ ވަނީ ފަސް ފީފާ ބެލޮންޑިއޯ ހޯދާފައިއެވެ. އަދި އެއީ ޖައްސަޖައްސައިގެން ހަތަރު ބެލޮންޑިއޯ ހޯދާފައިވާ ހަމައެކަނި ކުޅުންތެރިޔާއެވެ.
