ހޮލީވުޑް ފިލްމެއް ކުޅެލަން ޝައުގުވެރިވާ ކަމަށް ބޮލީވުޑްގެ ތަރި ކާޖޮލް ބުނެފިއެވެ.
ދާދި ފަހުން ރިލީޒް ކުރި އެނިމޭޓެޑް މޫވީ "ދި އިންކްރެޑިބަލް 2" ގެ ހިންދީ ވާރޝަން އަށް އަޑު އަޅާފައިވާ ކާޖޮލް ވނީ އޭނާ ހޮލީވޫޑަށް ޝައުގުވެރިކަން ހުރިކަން ފާޅުކޮށްފައެވެ.
ކާޖޮލް ބުނެފައި ވަނީ ވަކި ޚާއްސަ ކެރެކްޓަރއެއް އޭނާގެ ވިސްނުމުގައި ނެތް ކަމަށާއި ހިތްހަމަޖެހޭ ސްކްރިޕްޓެއް ލިބިއްޖެ ނަމަ ކުޅޭނެ ކަމަށެވެ. އޭނާ ބޮލީބުޑް ފިލްމެއް ކުޅެން އެއްބަސް ވާއިރު ވެސް ފިލްމްގެ ސްކްރިޕްޓަށް ބަލާ ކަމަށް ކާޖޮލް ވަނީ ބުނެފައެވެ.
ކާޖޮލް ބުނެފައި ވަނީ އޭނާގެ ޑަބިން މަސައްކަތާ މެދު އޭނާގެ ދެ ދަރިން ވަރަށް އެކްސައިޓްވެފައި ވާކަމަށެވެ.
ކާޖޮލް އަދި އަޖޭ ކައިވެނި ކޮށްފައި ވަނީ 1999 ވަނަ އަހަރުއެވެ .އަދި އެ ދެ ތަރިންނަށް ވަނީ އަނެހެން ކުއްޖަކާއި (ނީސާ) ފިރިހެން ކުއްޖެއް (ޔުގް) ލިބިފައެވެ.
އަންނަ ސެޕްޓެމްބަރު މަހުގެ 14 ވަނަ ދުވަހު ރިލީޒްކުރާ "އީލާ" އިން ކާޖޮލް ފެނިގެންދާއިރު އޭނާ އެންމެ ފަހުން ކުޅެފައިވާ ހިންދީ ފިލްމަކީ 2015 ވަނަ އަހަރު ޝާހުރުކް ޚާންއާ އެކު ކުޅުނު "ދިލްވާލޭ" އެވެ.
ކާޖޮލްގެ ކާމިޔާބު ފިލްމްތަކުގެ ތެރޭގައި "ކަރަން އަރުޖުން"، "ދިލްވާލޭ ދުލްހަނިޔާ ލޭޖާޔެނގޭ"، "ޕިޔާރު ކިޔާތޯ ޑަރްނާ ކިޔާ"، "އިޝްގް"، "ދުޝްމަން"، "ކުޗްކުޗް ހޯތަހޭ"، ކަބީ ޚުށީ ކަބީ ގަމް" ހިމެނެއެވެ.
