ބޮލީވުޑް ތަރި ޖެކްލިން އެކްސިޑެންޓް ވެއްޖެ

ބޮލީވުޑް ތަރި ޖެކްލިން ބުރާސްފަތި ދުވަހުގެ ރޭ ސަލްމާން ހާން ގޭގައި ރޭސް 3 ގެ ތަރިންނާއެކު އޮތް ޕާޓިއަކަށްފަހު ގެއަށް ދިޔަ މަގުމަތީގައި އެކްސިޑެންޓް ވެއްޖެއެވެ.

ރިޕޯޓުތަކުން އެނގޭގޮތުގައި އެކްސިޑެންޓް ހިނގާފައި ވަނީ އެރޭ ދަންވަރު ދެގަޑި ސާޅީސް ފަހެއް ހާއިރު އެވެ. މި އެކްސިޑެންޓްގައި އެއްވެސް މީހަކަށް އަނިޔާއެއް ނުލިބެއެވެ. އެހެންނަމަވެސް ޖެކްލިންގެ ކާރުގެ ހެޑްލައިޓް ވަނީ ތަޅައިގެން ގޮސްފައެވެ.

މީގެ ދުވަސްކޮޅެއް ކުރިން ރޭސް 3 ގެ ޝޫޓިން ސެޓް ތެރެއިން ވަނީ ޖެކްލިން އަށް އަނިޔާ ލިބިފައެވެ.

މެއި 15 ގައި ޓްރެއިލާ ނެރުމަށް ހަމަޖެހިފައި ވާއިރު ގިނަ ބަޔަކު މިހާރުވެސް ދަނީ އެ ފިލް ނިކުންނާނެ ދުވަހަކަށް އިންތިޒާރު ކުރަމުންނެވެ.

މި ފިލްމު ރެމޯ ޑި ސޫޒާ ޑައިރެކްޓު ކުރާއިރު މި ފިލްމުގައި ބޮބީ ޑިއޯލް، އަނިލް ކަޕޫރް، ޑެއިޒީ ޝާހް އަދި ސާގިބް ސަލީމް ފެނިގެންދާނެއެވެ. ފިލްމު ނެރުމަށް ހަމަޖެހިފައި ވަނީ ޖޫން 15 ގައެވެ.