ޣިޔާސުއްދީން އިންޓަނޭޝަނަލް ސްކޫލްގައި "ދިރާގު ޕޭ" ތައާރަފުކޮށްފި
ދިރާގު ޕޭ ނުވަތަ ޑިޖިޓަލް ވޮލެޓް މެނޭޖްކުރާނީ ކުދިންގެ ބެލެނިވެރިން
ދިރާގު ޕޭ ގެ ހިދުމަތް ޣިޔާސުއްދީން އިންޓަރނޭޝަނަލް ސްކޫލްގައި ތައާރަފުކުރުމަށް ބޭއްވި ރަސްމިއްޔާތުގެ ތެރެއިން
ޣިޔާސުއްދީން އިންޓަރނޭޝަނަލް ސްކޫލްގެ ކެފެޓީރިޔާގައި "ދިރާގު ޕޭ" ތައާރަފު ކޮށްފިއެވެ.
ދިރާގު ޕޭ އަކީ ޖީބުގައި ފައިސާ ނުގެންގުޅެ ވިޔަފާރީގެ އެކި މުއާމަލާތް ހިންގޭ ޑިޖިޓަލް ވޮލެޓެކެވެ. މި ހިދުމަތާއެކު ޣިޔާސުއްދީން ސްކޫލުގެ ދަރިވަރުންނަށް ފައިސާއާ ނުލައި މޯބައިލް ފޯނުގެ ހިދުމަތުން ކެފެޓީރިޔާ އިން ގަންނަ ތަކެއްޗަށް ފައިސާ ދެއްކުމަށް މަގު ފަހިވެގެންދާނެއެވެ. މި ހިދުމަތަކީ ނިއަރ ފީލްޑް ކޮމިނިކޭޝަން (އެން.އެފް.ސީ) ޓެކްނޮލޮޖީ ބޭނުންކޮށްގެން ކޮންމެ މޯބައިލް ފޯނަކުންވެސް ތަކެއްޗާއި ހިދުމަތްތަކަށް ފައިސާ ދެއްކޭ ހިދުމަތެކެވެ.
ސްކޫލްގައި މި ހިދުމަތް ބޭނުންކުރަން ދަރިވަރުން ބޭނުން ކުރަން ޖެހޭނީ އެން.އެފް.ސީ ސްޓިކާ އެއް ނުވަތަ މޯބައިލް ނަންބަރަކާއި ޕިން ނަންބަރެކެވެ. ނަމަވެސް ދިރާގު ޕޭ ނުވަތަ ޑިޖިޓަލް ވޮލެޓް މެނޭޖްކުރާނީ އެ ކުދިންގެ ބެލެނިވެރިން ކަމަށް ދިރާގުން ވަނީ ބުނެފައެވެ.
މީގެ އިތުރުން މި ހިދުމަތުގެ ސަބަބުން ބެލެނިވެރިންނަށް ފަސޭހަކަމާއެކު ކުދިންގެ އިންޓަވަލްގެ ހަރަދު މެނޭޖްކޮށް މޮނިޓާ ކުރެވުމާއި ހިންގާ ޓްރާންސެކްޝަންތައް ވަގުތުން ވަގުތަށް ދިރާގު ޕޭ އެޕް މެދުވެރިކޮށް ބެލެނިވެރިޔާ އަށް ބަލާލެވޭނެވެ.
ޓްރާންސެކްޝަނެއް ހިންގާ ކޮންމެ ފަހަރަކު ބެލެނިވެރިޔާގެ ފޯނަށް އެސް.އެމް.އެސް ދާނެ ކަމަށް ދިރާގުން ވަނީ ބުނެފައެވެ. އަދި އެކައުންޓުން ފައިސާ ހުސްވެއްޖެނަމަ ދިރާގު ޕޭ އެޕް މެދުވެރިކޮށް ފައިސާ އެޅުމުގެ އިންތިޒާމްވެސް ހަމަޖެހިފައިވާ ކަމަށް ދިރާގުން ބުންޏެވެ.
ދިރާގު ޕޭ ގެ ހިދުމަތް ތައާރަފުކޮށްފައިވަނީ މިދިޔަ އަހަރުގެ އޮކްޓޯބަރު މަހުގައެވެ.
