"އުރީދޫ ވޯލްޑް ޓުއަރ" ގެ ނަމުގައި އަގުހުރި އިނާމުތަކެއް ލިބިގެންދާ ވަރަށް ހާއްސަ ޕްރޮމޯޝަނެއް އަންގާރަ ދުވަހު ތައާރަފުކޮށްފިއެވެ.

ތިން މަސްދުވަހުގެ މުއްދަތަށް ކުރިއަށްދާ މި ޕްރޮމޯޝަނުގައި ކޮންމެ 10 ދުވަހަކުން އެންމެ ގިނަ ޕޮއިންޓް ހޯއްދަވާ ފަރާތްތަކަށް އިނާމުތަކުގެ ތެރޭގައި އެޕަލް އައިފޯން 8 ލިބިގެންދާއިރު, ކޮންމެ މަހަކު އެންމެ ގިނަ ޕޮއިންޓު ހޯއްދަވާ ފަރާތަކަށް ރާއްޖެއިން ބޭރަށް ޗުއްޓީ ދަތުރެއް ހޯދުމުގެ ފުރުސަތު އޮތް ކަމަށް އުރީދޫ އިން ބުނެއެވެ.

އެސްއެމްއެސް މެދުވެރިކޮށް ބައިވެރިވެވޭ މި ޕްރޮމޯޝަންގައި ހިމެނެނީ އާންމު މައުލޫމާތު، ޓެކްނޮލޮޖީ، ދަތުރުފަތުރު އަދި ލައިފްސްޓައިލްއާގުޅޭ ސުވާލުތަކެވެ. ޕްރޮމޯޝަންގައި ބައިވެރިވެ، އެސްއެމްއެސް މެދުވެރިކޮށް ރަގަޅު ޖަވާބު ދެއްވާ ކޮންމެ ފަހަރަކު 300 ޕޮއިންޓް ލިބިގެންދާނެއެވެ. ހަމައެއާއެކު، ޖަވާބު ނުބައިވި ކަމުގައި ވިޔަސް، ޖަވާބު ދެއްވާ ކޮންމެ ސުވާލަކަށް 100 ޕޮއިންޓް ލިބިގެންދާނެއެވެ.

މި ޕްރޮމޯޝަންގައި ބައިވެރިވުމަށް، ކަސްޓަމަރުން 555 އަށް ‘GO’ ޖައްސަވާފައި ފޮނުއްވުމުން ޕްރޮމޯޝަންގައި ބައިވެރިވެވޭނެއެވެ.

މި ޕްރޮމޯޝަން ކުރިއަށްދާނީ 18 މާރޗް 2018 ގެ ނިޔަލަށެވެ.