މިރޭ އޮންނަ ދިވެހި ފިލްމު އެވޯޑު ހަފްލާއަށް އޮލިމްޕަސް ހިމެނޭ ސަރަހައްދު ބަންދު ކުރަނީ
މިއަދު ހަވީރު 5:00 އިން މިރޭ 12 އާއި ހަމައަށް އެ ސަރަހައްދުގެ މަގުތައް ބަންދުވާނެ
ތަހާރަތު މުހައްމަދު ވަހީދު | 19 ޑިސެމްބަރު 2017 | އަންގާރަ 08:58
އޮލިމްޕަސް
މިރޭ އޮލިމްޕަހުގައި ބޭއްވުމަށް ހަމަޖެހިފައިވާ 8 ވަނަ ދިވެހި ފިލްމު އެވޯޑް ހަފްލާއަށް އެސަރަހައްދުގެ މަގުތައް ބަންދުވާނެކަމަށް ފުލުހުން ބުނެފިއެވެ.
ފުލުހުން މިއަދު ކޮށްފައިވާ ޓްވީޓެއްގައި ބުނެފައިވަނީ ބަންދުކުރަން ހަމަޖެހިފައިވަނީ މަޖީދީމަގު، އަލިކިލޭގެފާނު މަގު ގުޅުނު ހިސާބުން ފެށިގެން އިރަށް މަޖީދީމަގު، ބަނަފުސާމަގާއި ގުޅުނު ހިސާބާއި ހަމައަށް ކަމަށެވެ.
މިއަދު ހަވީރު 5:00ން މިރޭ 12 އާއި ހަމައަށް އެ ސަރަހައްދު ބަންދުވާނެ ކަމަށް ފުލުހުން ބުނެއެވެ.
