ތޯމަސް ކުކް ކުންފުނިން 50 ސްޓޯރު ބަންދުކުރަން ނިންމައިފި
ތޯމަސް ކުކް ކުންފުންޏަކީ ލަންޑަންގެ ސްޓޮކް އެކްސްޗޭންޖް ބާޒާރުގައި ލިސްޓު ކުރެވިފައިވާ ކުންފުންޏެއް
ތޯމަސް ކުކް ސްޓޯރު
ބްރިޓިޝް ގްލޯބަލް ކުންފުންޏެއް ކަމަށްވާ ތޯމަސް ކުކް ގްރޫޕުން އިނގިރޭސިވިލާތުގައި ހިންގާ ރީޓެއިލް ވިޔަފާރިން، 50 ސްޓޯރު ބަންދުކުރަން ނިންމައިފިއެވެ.
690 ސްޓޯރާއެކު އިނގިރޭސިވިލާތުގައި ހިންގާ ރީޓެއިލް ވިއުގައިން، 50 ސްޓޯރު ބަންދުކުރަން ނިންމާފައިވަނީ އަންނަ އަހަރުގެ މާރޗް މަހުގައެވެ. އަދި މި ނިންމުމުގެ ސަބަބުން އެ ކުންފުނީގައި މަސައްކަތްކުރާ 400 ވަރަކަށް މުވައްޒަފުންނަށް އަސަރު ކުރާނެއެވެ.
ތޯމަސް ކުކް ކުންފުންޏަކީ ލަންޑަންގެ ސްޓޮކް އެކްސްޗޭންޖް ބާޒާރުގައި ލިސްޓު ކުރެވިފައިވާ ކުންފުންޏެކެވެ.
މި ކުންފުންޏަކީ ފަތުރުވެރިކަމުގެ ދާއިރާއަށް ހާއްސަކޮށްގެން ހިންގާ ކުންފުންޏެކެވެ.
ތޯމަސް ކުކް އިން ބުނީ އެމީހުން ބަންދުކުރަން ނިންމީ ހަމައެކަނި އިނގިރޭސިވިލާތުގައި ހިންގަމުންދާ ސްޓޯރުތައް ކަމަށެވެ.
މި ސްޓޯރުތައް ބަންދުކުރަން ތޯމަސް ކުކްއިން ނިންމާފައިވަނީ އެތަންތަނަކީ އެކުންފުނީގެ އެހެން އޮފީސްތަކާއި ކައިރި އަދި ނިމިދިޔަ ތިން ކުއާރޓަރގައި ވިޔަފާރި ކުރެފައިވާ މިންވަރު ދަށް ސްޓޯރތަކަކަށް ވާތީ ކަމަށް އެކުންފުނިން ބުނެއެވެ.
މިދިޔަ އަހަރުގެ ސެޕްޓެމްބަރ މަހާއި އަޅާބަލާއިރު މި އަހަރުގެ ސެޕްޓެމްބަރ މަހު ތޯމަސް ކުކްއިން ބުނެފައިވަނީ އެކުންފުނިން އިނގިރޭސިވިލާތުގައި ހިންގާ ސްޓޯރުތަކުގައި ފައިދާ 40 އިންސައްތަ ދަށްވެފައިވާ ކަމަށެވެ.
