ސިންގަޕޫރުން އާއްމު ދަތުރުފަތުރުގައި ޑްރައިވަރުން ނެތް ބަސް ބޭނުންކުރަނީ

2022 އަންނައިރު ސިންގަޕޫރުގެ މަގުތަކުގައި އާއްމު ދަތުރުފަތުރުގައި ޑްރައިވަރަކާ ނުލައި ދުއްވާ ބަސް ތައާރަފް ކުރުމަށް އެ ގައުމުން ނިންމައިފިއެވެ.

ސަރުކާރުން ބުނީ ޕައިލެޓް ޕްރޮޖެކްޓް ތިން ސަރަހައްދެއްގައި ހިންގުމަށް ހަމަޖެހިފައިވާއިރު އެއީ ކާރޫބާރު ކުޑަ މަގުތައް ކަމަށެވެ.

މި ބަސްތައް އެހީވެދޭނީ ކުދި ނެއިބަރހުޑްތަކުގައި ރޭލް ސްޓޭޝަންތަކާއި ބަސް ސްޓޭޝަންތަކަށް ދިއުމަށެވެ.

ސިންގަޕޫރުން އުންމީދު ކުރާގޮތުގައި ޑްރައިވަރުންނާ ނުލައި ދުއްވާ ވެހިކަލް ތައާރަފް ކުރުމުން ބިމުގެ ޖާގައިގެ ދަތިކަމުން ދިމާވާ މައްސަލަތަކާއި ޑްރައިވަރުން ނުލިބިގެން ދިމާވާ މައްސަލަތަކަށް ހައްލެއް ލިބިގެންދާނެއެވެ.

ޕަބްލިކް ޓްރާންސްޕޯޓް ބޭނުން ކުރުމަށް ބާރުއަޅާ ސިޔާސަތުތައް ރަނަގަޅުވުމާ މަގުމަތި ބޭނުންކުރަށް ދައްކަންޖެހޭ ފީގެ ސަބަބުން ސިންގަޕޫރަކީ ދެކުނު އިރުމަތީ އޭޝިއާގެ އެހެން ގައުމުތަކާ އަޅާބާލައިރު، ޓްރެފިކް ތޮއްޖެހުން ކުޑަ ގައުމެކެވެ.

އެ ގައުމުންދަނީ ޑްރައިވަރުން ނެތި ވެހިކަލް ދުއްވުމުގައި އެންމެ ކުރިއަރާފައިވާ ގައުމަށް ވުމަށް މަސައްކަތް ކުރަމުންނެވެ.