އިލެކްޝަނުގައި ބޭނުންކުރި ލަވައަކުން ނިއުޒިލެންޑްގެ ޕޮލިޓިކަލް ޕާޓީއެއް ޖޫރިމަނާ ކޮށްފި

އެމެރިކާގެ ރެޕް ލަވަކިޔުންތެރިޔާ އެމިނެމްގެ ލަވައެއް ބޭނުންކޮށްގެން ނިއުޒިލެންޑްގެ ޕޮލިޓިކަލް ޕާޓީއެއް ޖޫރިމަނާ ކޮށްފިއެވެ.

ނިއުޒިލެންޑުގެ ކޮންޒަވޭޓިވް ޕޮލިޓިކަލް ޕާޓީ ޖޫރިމަނާ ކޮށްފައި ވަނީ 415،000 ޑޮލަރަށެވެ.

ނިއުޒިލެންޑުގެ ކޮންޒަވޭޓިވް ޕޮލިޓިކަލް ޕާޓީ ޖޫރިމަނާ ކޮށްފައިވަނީ އެމިނެމް ގެ "ލޫސް ޔުއާ ސެލްފް" ލަވައިގެ ކޮޕީއެއް ބޭނުން ކޮށްގެންނެވެ.

ނެޝަނަލް ޕާޓީ ވަނީ 2014 ވަނަ އަހަރުގެ އިލެކްޝަނުގައި 186 ފަހަރު އެމިނެމްގެ މި ލަވަ ބޭނުންކޮށްފައެވެ. ނިއުޒިލެންޑްގެ ވެލިންގްޓަންގެ ހައިކޯޓުގެ ފަނޑިޔާރު ހެލެން ކަލް ނެރުނު ހުކުމްގައި ބުނެފައި ވަނީ އެމިނެމްގެ ލަވަޔާއި 2014 ވަނަ އަހަރު ނެޝަނަލް ޕާޓީން ބޭނުންކޮށްފައިވާ ލަވައަކީ ކޮޕީ ލަވަ ކަމަށާއި އޭގައި ބޭނުންކޮށްފައި ހުރި މެލޮޑީ އާއި ޑްރަމް ބީޓް އަދި ޕިއާނޯ ފިގާސްތަކަކީ އެއްގޮތަކަށް ބޭނުންކޮށްފައި ހުރި އެއްޗެހި ކަމަށެވެ. އެ ޕާޓީން އިލެކްޝަނުގައި ބޭނުންކޮށްފައިވާ ލަވައިގެ ނަމަކީ "ލަވް ޔުއާ ސެލްފް" އެވެ.

އެމިނެމްގެ "ލޫސް ޔުއާ ސެލްފް" އަކީ 2012 ވަނަ އަހަރު ނިކުތް "އެއިޓް މައިލް" ފިލްމުގައި ހިމެނޭ ލަވައެވެ. މި ލަވައިގެ މިއުޒިކާއި ލިރިކްސް ހަދާފައިވަނީ ވެސް އެމިނެމްއެވެ.