ޕީޕީއެމްގެ އިސްބޭފުޅަކު ޑރ. އަހުމަދު ޝަހީދުގެ ބޯ ބުރިކޮށްލަން ބުނެ، ދިން އިންޒާރުގެ މައްސަލައިގައި ދިވެހި ސަރުކާރު ޖަވާބުދާރީ ކުރުވާނެކަމަށް ކުރީގެ ފޮރިން މިނިސްޓަރ އަދި އދ. ޚާއްސަ ރެޕަޓުއަރ ޑރ. އަހުމަދު ޝަހީދު ވިދާޅުވެއްޖެއެވެ.
ޕީޕީއެމްގެ ސަޕޯޓުކުރާ އަހްމަދު އަސްލަމް ކިޔާ މީހަކު ކޮށްފައިވާ ޓްވީޓެއްގައި، ބުނެފައި ވަނީ ރުޅިއަޔަސް އަހުމަދު ޝަހީދު ދައްކަމުންދާ ގޮތަށް އިސްލަމް ދީނުގެ ހުކުމްތަކާއި ޚިލާފް މީހުން މުރުތަދުވާނެކަމަށެވެ. އަދި އެމީހުންގެ ހުކުމަކީ ބޯ ކެނޑުންކަމަށެވެ.
މި ޓްވީޓާއި ގުޅިގެން މީހުންގެ ފާޑުކިއުންތައް އަމާޒުވުމާއެކު އަސްލަމްކުރިއިތުރު ޓްވީޓެއްގައި ވިދާޅުވީ، ހިޔާލުފާޅުކުރުމުގެ މިނިވަންކަމަށް ގޮވާލާ މީހުންނަށް އިސްލާމްދިނުގައި އޮންނަ ހުކުމެއްގެ ވާހަކަ ބުނީމައި ހަޖަމު ނުވިކަމަށެވެ.
ޑރ. ޝަހީދުގެ ބޯ ކަނޑާލުމަށް ގޮވާލާ އަސްލަމް ޓްވީޓް ފަހުން ވަނީ ޑިލީޓްކޮށްފަ އެވެ. އެއާއެކު ޑރ. ޝަހީދު ވިދާޅުވީ ޓްވީޓް ޑިލީޓްކުރިކަން ރަނގަޅުކަމަށާއި، އެކަމަކުވެސް އެކަން ތަހައްމަލު ނުކުރެވޭނޭކަމަށެވެ. އަދި އެކަން ވަރަށް ސީރިއަސްކަމެެއްގެ ގޮތުގައި ބައްލަވާނޭކަމަށް ވިދާޅުވި އެވެ.
އަސްލަމްގެ މި ޓްވީޓްތަކަށް ރައްދުދެއްވައި ޑރ. ޝަހީދު ވިދާޅުވީ، އޭނާގެ މި ވާހަކަތަކާއިގުޅިގެން ދިވެހި ސަރުކާރު ޖަވާބުދާރި ކުރުވާނެކަމަށެވެ. ބޯ ކަނޑާލާނެ ކަމަށް ބުނެ ބިރު ދެއްކި އަސްލަމީ ސަރުކާރުގެ އިސް އޮފިޝަލެއްގެ ގޮތުގައި ހުރި މީހަކަށް ވުމާއެކު އެކަން ބަލައި ނުގަނެވޭނެ ކަމަށެވެ. ޑރ. ޝަހީދު ވަނީ މި ޓްވީޓްތައް ފޮރިން މިނިސްޓަރަށާއި، އިސްލަމިކް މިނިސްޓަރު އަދި ނައިބު ރައީސް އަބުދުﷲ ޖިހާދަށްވެސް ޓެގްކުރައްވާފައެވެ.
Mikamah MDV sarukaaru jawaabdhaary kuruvaanan! @MDVForeign @ASIM_MDV @Adamshareefz @MDVGermany @MDVembBelgium @MDVGeneva @tourismmaldives https://t.co/KJqlXwd6f2
— Ahmed Shaheed (@ahmedshaheed) October 15, 2017
